Byibuze abasivili batandatu biciwe mu gitondo cyo kuri uyu wa Mbere, itariki 18 Ugushyingo, mu gitero gishya cy�inyeshyamba za ADF, mu gace ka Pakanza, muri Komini ya Oicha, muri Teritwari ya Beni. Sosiyete sivile y�aha yatanze amakuru iravuga ko abandi bantu batanu bakomeretse ndetse inzu esheshatu zigatwikwa.
Aba bantu batandatu bishwe bujuje umubare w�abasivili 54 bamaze kwicirwa mu cyumweru kimwe, mu bitero by�izi nyeshyamba z�Abagande zo mu mutwe wa ADF muri Teritwari ya Beni.
Sosiyete sivile ya Beni ikaba ivuga ko ihangayikishijwe n�ubwicanyi bukomeje kwiyongera n�ibitero by�inyeshyamba, mu gihe FARDC ivuga ko yatangije ibikorwa simusiga byo kurwanya iyi mitwe.
Iki gitero gishya nk�uko bitangazwa na Radio Okapi, cyatumye abaturage benshi bata ingo zabo berekeza ahantu haba hapfuye gutekana.
Mbere y�iki gitero, FARDC yari yatangaje ko yigaruriye ikibaya cya Chochota, giherereye mu birometero byibuze 12 uvuye Oicha, nyuma y�iminsi ine y�imirwano ikaze ihanganye n�inyeshyamba za ADF.
Tanga igitekerezo