Ikipe ya FC Barcelona yamaze kwirukana Ernesto Valverde wari umutoza wayo mu myaka ibiri n�igice ishize, imusimbuza Quique Setien wahawe inshingano zo kuyitoza kugeza mu mwaka wa 2022.
Valverde yabaye umutoza wa mbere wirukanwe na FC Barcelona mu mwaka w�imikino hagati, nyuma ya Luis Van Gaal waherukaga kwirukanwa n�iyi kipe muri Mutarama 2003.
Uyu mugabo ukomoka muri Espagne, yirukanwe nyuma y�igihe kinini ashinjwa n�abafana b�iyi kipe y�I Catalunya gutsinda ariko ikipe yabo itabemeje. Ibi bijyana n�umukino wo guhererekanya umupira FC Barcelona yari yihariye wamaze guhinduka burundu.
Ikitazibagirana ku bafana ba Barcelona ku ngoma ya Valverde, ni igihe basezererwaga na AS Roma muri UEFA Champions league nyamara bari barayitsinze ibitego 4-1 mu mukino ubanza, ndetse na Liverpool yabasezereye muri Champions league y�umwaka ushize nyamara bari bayitsinze ibitego 3-0 mu mukino ubanza wa � cy�irangiza.
FC Barcelona itandukanye n�umutoza Valverde, mu gihe igifite urugamba rwo kurwanira na mukeba wayo Real Madrid igikombe cya shampiyona ya Espagne, ndetse ikaba inakiri mu mikino ya UEFA Champions league igeze muri 1/8 cy�irangiza.
Valverde wageze muri FC Barcelona muri 2017 asimbuye Luis Enrique, yashoboye gutwarana nay o ibikombe bibiri bya shampiyona ya Espagne incuro ebyiri zikurikiranya. Yanatwaye Copa Del Rey imwe ndetse na Super Cup ya Espagne.
Uyu mutoza kandi yatoje iyi kipe imikino 145, atsindamo 97, anganya 32 mu gihe yatsinzwe imikino 16.
Setien wamusimbuye afite imyaka 61 y�amavuko, akaba yaratoje amakipe arimo Las Palmas na Real Betis aheruka guhesha itike yo gukina imikino yo ku mugabane w�u Burayi muri 2018.
Nk�umutoza wa Betis, yashoboye gutsinda amakipe y�ibigugu nka FC Barcelona, Atletico Madrid na Real Madrid.
Tanga igitekerezo