Bamwe mu baturage batuye mu karere ka Gasabo, Umurenge wa Rusororo mu Kagari ka Mbandazi, bavuga ko icyo bita �ubucuruzi bw�amazi� bw�umukire witwa Twagirimana Theoneste uzwi ku izina rya Rujugiro bwatumye bafungirwa amazi , ubu umwaka ukaba umaze kurenga bamwe muri bi baragannye kuvoma mu bishanga.
Abaturage mu majwi atandukanye, bose basabye Bwiza.com ko amazina yabo atatangazwa, bavuga ko ivomo rusange bakoreshaga, bishyuraga amafaranga hagati y�icumi na na 15 ku ijerekani, ubu abifite bakaba bajya kugurira kwa Rujugiro ugurisha kuri 50 Rwf ku ijerekani, abatayafite bakajya kuvoma mu gishanga.
Imiterere y�ikibazo cya Rujugiro na bamwe mu baturage
Twagirimana uzwi nka Rujugiro aturanye n�Ibiro by�Akagari ka Mbandazi. Abaturage bavuganye na Bwiza.com bavuga ko afite ibigega bibiri by�amazi biri mu gipangu iwe. Amazi akoresha ngo aturuka ku miyoboro irenze umwe. Inzego z�ubuyobozi guhera ku mudugudu, gukomeza ku kagari, Anaclet ukorera WASAC ku rwego rw�Akarere ka Gasabo, ushinzwe amazi mu karere ka Gasabo witwa Habinshuti Jean Pierre ndetse na kompanyi yigenga yubaka ibikorwaremezo by�amazi yitwa PAAK KAM Ltd iri mu biganza bya Hadji Shumbusho Assuman ngo babiri inyuma.
Umwe muri bo ati:"Amazi agera muri Mbandazi, umudamu ufite ivomero rusange ni umukozi wa PAAK KAM, noneho hakaba hari ushinzwe amazi mu karere witwa Habinshuti Jean Pierre, hakaba hari n’abakozi ba WASAC harimo uwitwa Anaclet, hari undi muyoboro uzana amazi muri iyo zone uyavana mu bice bya Rwamagana. Bageze aho ngaho, hari uwitwa Rujugiro, atuye aho ngaho hari amavomero impande y’akagari, yaragiye aratereta, ajya mu bayobozi, ari uw’akagari ari n’aba PAAK KAM. Baragiye bamuha amazi, yubaka ikigega iwe, abantu baza kuvoma ijerekani bayigura 50 rwf. Hashize igihe kirenga umwaka uyu mugabo Rujugiro abikora."
Uyu avuga ko Rujugiro yari agiye guhabwa undi muyoboro wacukuwe mu isambu y’akagari, ko umukozi wa WASAC abizi kandi yambuye Rujugiro ’mubazi’ yumvise ikibazo gitangiye guteza impaka. Uyu akeka ko kandi imiyoboro y’ivomero rusange ishobora kuba yarangijwe kugira ngo Rujugiro abone abavomyi.
Ngo byamenyekanye ko uburyo Twagirimana uzwi nka Rujugiro abonamo amazi bwaciye mu manyanga [bose bahuriza kuri iyi ngingo] ndetse ngo hari n�ubwo yigeze gucibwa amande 50,000 RWF ariko nyuma arasubira, akomeza gukoresha amazi muri bwa buryo butemewe. Ngo uwitwa Anaclet ukorera ikigo cya WASAC yigeze no kwaka �mubazi� uyu Twagirimana nk�uburyo bwo kugira ngo adakomeza gukoresha aya mazi mu buryo butemewe ariko ntacyo byatanze.
<doc1484|center>
Anaclet na Rujugiro bagize icyo batangaza
Uyu Anaclet yavuganye na Bwiza.com ku murongo wa telefone, avuga ko ikibazo cy’uyu mukire atakizi, ahubwo ngo icyo amenye vuba ari icy’uherutse kwamburwa mubazi.
Anaclet yagize ati: "Uwo muntu (Rujugiro) njyewe sinamuzi ariko hari umuntu ariko hari umuntu wakoze amanyanga ejo bundi bakuyeho mubazi ye, yiha amazi bitemewe. Nari ntegereje ko aza ku biro ahubwo akambwira uwabimukoreye. Aratubwira amazina y’umutekinisiye wabimukoreye. We ngo yari afite amazi ngo ya ALEGI, akagira aya WASAC ku muyoboro umwe, none ngo arashaka kugira andi mazi ya WASAC ku wundi muyoboro. Twumva rero ari ibintu bihabanye n’amategeko, njyewe naramurindiriye ngo aze ambwire umuntu wabimukoreye, amunyereke, mwereke abatekinisiye bacu tuyobora, namubonamo, tumenye ko ari we wakoze amakosa, tumuhane, ariko kugeza ubu yanze kuza. Twebwe nta faveur (ubufasha) twamukorewe. Njyewe uwo mukiriya sindanamubona n’amaso."
Twagirimana yabwiye Bwiza.com ko kuba bamurega gukoresha amazi mu buryo butemewe, mu gihe ku ivomero rusange nta mazi bagira, biterwa n�ikibazo bafitanye, we atazi. Ngo kuba aha amazi abaturanyi ari uko abona nta mazi bafite kandi ngo yasabye uburenganzira PAAK KAM, irabimwemerera. Gusa avuga ko ubu ngubu na we nta mazi afite.
Ati: "None se naba mfite amazi abandi batayagira, naba mfite isoko yanjye? Mu by’ukuri, hano haca imiyoboro ibiri, hari uwa WASAC n’uwa PAAK KAM. Uwa PAAK KAM rero ni utuzi duke, tujya tuboneka rimwe na rimwe, ntabwo ari amazi yanasuhaza twebwe abaturage. Amatiku ukuntu yatangiye ni agahombo gato nafatiragaho umuyoboro wa WASAC, barangije baragaca, nza guhindura kugira ngo mfatire ku yindi hombo bari bazanye, kuba narafatiye ku rindi hombo, hari umuturanyi wanjye watanze amakuru ngo nafatiye ku rindi hombo, na WASAC yageze aha ngaha, irabigenzura,"
Akomeza agira ati " Ikibazo cyigeze kubaho ariko ni nabwo nari maze gufata amazi, hari amasezerano nari naragiranye na PAAK KAM, noneho bampa iminsi yo kuba narangije ibyo bari bansabye kwishyura, ndarwaza igihe cyo kwishyura kirarenga, baramfungira. Nababajije impamvu bamfungiye ngo ni uko utubahirije amasezerano, ndabasobanurira, baramfungurira."
Twagirimana yahakanye kugira amanyanga mu bucuruzi bw’amazi.
Ati: "Ayo makuru, uwabiteye arahari kandi nta kibazo mfite, nzi ko nta manyanga mfite mu byo nkora. Mu by’ukuri n’ubwo nari nasabye uburenganzira bwo kuyagurisha, ntabwo ari wo mwuga nkora. Njyewe ni amasezerano nagiranye n’icyo kigo, mbasaba narababwiye nti: ’hari abaturanyi nka 20 cyangwa se 10 badafite ubushobozi bwo kuba bakwifatira amazi, ese koko umuturage yajya kuvomera mu gishanga kandi nyafite?’ Ndavuga nti: ntabwo mwanyemerera nkaba nagurisha aya mazi mu bushobozi bw’abaturage, baramwira bati rwose ni ibitekerezo byiza, bantuma n’impapuro zo mu buyobozi ndazijyana kandi ndumva nta muturage wari wagira ikibazo runaka, ahubwo ikibazo umuntu ugifite ni uwo umwe kandi nta kintu mfa na we."
Uruhare rw�abayobozi mu gukemura iki kibazo
Umwe muri aba baturage, avuga ko inzego zamenyeshejwe iki kibazo zirimo Minisiteri y’Ubutegetsi bw’Igihugu (MINALOC), Akarere ka Gasabo, Urwego rw�Igihugu rw�Ubugenzacyaha (RIB) Polisi y�igihugu (RNP) ndetse n’uhagarariye ingabo zavuye ku rugerero mu karere ka Gasabo. Ikindi avuga ko abamenyesheje ubuyobozi iki kibazo bakeneye kurindirwa umutekano kuko ngo batangiye guterwa ubwoba.
Umunyamabanga Nshingwabikorwa w�Akarere ka Gasabo ufashe izi nshingano mu minsi mike, Umwali Pauline yabwiye Bwiza.com ko we na MINALOC barakorera inteko rusange mu Kagari ka Mbandazi kugira ngo bamenye imiterere y�iki kibazo ndetse bagishakire umuti.
Ati: "Tugiye kujyayo mu nteko z’abaturage na minisitiri, ikibazo kiganirweho. Iki kibazo cyitaweho muri make."
Ibikorwaremezo birimo amazi n’amashanyarazi bitinze kubakwa ahantu cyangwa byangiritse si ubwa mbere binyanganyije abaturage ndetse n’abayobozi, buri wese akagenda abihirikira ku bandi cyangwa se bikagaragara ko ikibazo cyatewe na ba rwiyemezamirimo.
Ibibazo bya ruswa n’akarengane na byo bishobora kuba impamvu y’imbogamizi ku nyungu rusange z’abaturage.
Icy’ingenzi ku bikorwa nk’ibi ni ukureba ikibangamiye abaturage, kigakemurwa byihuse, dore ko bigaragara ko nka Mbandazi bamaze igihe kinini nta mazi bafite kandi ibikorwa byaramaze kubakwa. Abayobozi na bo bagenzure, bamenye ukuri kuri ibi bibazo abaturage bafitanye ubwabo n’impamvu abayobozi babijemo, abakoze amakosa bakeburwe.
<doc1485|center>
Tanga igitekerezo