Umunya-Norvege, Erling Braut Haaland uheruka gutera umugongo Manchester United akerekeza muri Borussia Dortmund yo mu Budage, yaraye atsinze ibitego bitatu mu minota 20 y�umukino wa mbere yakiniye Dortmund.
Mu kwezi gushize ni bwo uyu musore w�imyaka 19 y�amavuko yerekeje muri iyi kipe yo mu Budage, nyuma yo kumugura angana na miliyoni 17 n�ibihumbi 100 by�amapawundi. Ni nyuma y�uko yari amaze gutsindira Salzburg yo muri Autriche yakiniraga ibitego 28 mu mikino 22 yari amaze kuyikinira.
Byavugwaga ko uyu musore ashobora kwerekeza mu kipe ya Manchester United yo mu Bwongereza, gusa birangira ibyo kwerekeza muri iyi kipe ifite ibikombe byinshi mu Bwongereza bipfuye ku munota wa nyuma.
Ku munsi w�ejo ubwo Dortmund yari yasuye ikipe ya Augsburg, Haaland yinjiye mu kibuga ku munota wa 56 w�umukino asanga ikipe ye yatsinzwe ibitego 3-1, ahita yishyuramo kimwe mbere y�iminota itatu, mbere gato y�uko Umwongereza Jadon Sancho agomborera ikipe ye bikaba ibitego 3-3.
Umukino ubura iminota 18 Haaland yatsindiye Dortmund igitego cya kane, yogeramo icya gatanu ku munota wa 70 mbere yo gusoza akazi ku munota wa 79 aterekamo igitego cya gatandatu.
Nyuma y�uyu mukino Haaland yabwiye itangazamakuru ryo mu Budage ko icyamujyanye hariya ari ugutsinda ibitego, bityo akaba yizeye kubigeraho abifashijwemo na bagenzi be bakinana mu kipe nziza ya Dortmund.
Tanga igitekerezo