Uwari Umunyamabanga Nshingwabikorwa w’Umurenge wa Niboye, mu Karere ka Kicukiro, Havugarurema Jean Marie Vianney yasezezeye ku kazi ku mpamvu byatangajwe ko ari ize bwite.
Akarere ka Kicukiro kabinyujijwe ku rukuta rwako rwa Twitter, katangaje ko Havugarurema yeguye ndetse kanamushimira ibyo yagezeho mu gihe yari amaze ayobora Umurenge wa Niboye.
Kagize kati " HAVUGARUREMA J.M.Vianney wari Umunyamabanga Nshingwabikorwa w’Umurenge wa NIBOYE yasezeye kuri aka kazi ku mpamvu ze bwite. Tumushimiye Umurava n’Ubwitange yagaragaje mu kazi tumwifuriza ishya n’ihirwe mu buzima buri imbere."
Havugarurema tariki 18 Ukuboza 2019 afatanyije n�abandi bantu bari bambaye sivile bahohoteye umunyamakuru witwa Richard Ruhumuriza ubwo yari mu bikorwa byo gutara amakuru ahazwi nka sahara mu murenge wa Niboye.
Ruhumuriza yatangaje ko yakubiswe agacirirwaho ikarita y�akazi ndetse n’igikoresho cy’akazi yari yitwaje kikamenwa na Havugarurema.
Uku kwegura kw’abayobozi mu nzego z’ibanze kuje gukurikira uko mu Karere ka Rubavu na Musanze.
3 Ibitekerezo
HITAMUNGU JEAN DAMASCENE Kuwa 31/12/19
Uyu gitifu utazi ko itangazamakuru ari 4pouvoir ni uwahe? azarye umwungu asibe ibamba hari n’undi nzi wo mukagari ntavuze aho muri Kicukiro nyine nawe wigeze gutegeka abanyerondo kwaka umunyamakuru igikapu cyarimo IBIKORESHO BYE URETSE KO YABABEREYE IBAMBA.
Subiza ⇾Kirikiri Odo Kuwa 01/01/20
Barabatuka mugakubitwa ariko mwihangane muri ijwi rya rubanda. Mu Rwampara ho barabiyeyanye iyo hagira ufotora bari kumu shwanyaguza.
Subiza ⇾rubya Kuwa 02/01/20
ngo yasezeye kumpanvu ze bwite! muramushimira umurava nubwitange yagaragaje mukazi! mbese ibyo yakoze akubita umunyamakuru amuciraho imyenda namakarita yakazi byari munshigano ze none mukaba mubimushimiye?.komutagaragaje ko mwanamugaye kurugero rubi yatanze kubo yari ayoboye? ntimugasingize umunyamafuti namafutiye yakoze kugiti cye .ahubwo iyo muvuga ko yahagaritswe kumuriro yarashinzwe kubera kwitwara nabi .kuko ibibintu yabikoze kumanywa imbere yabaturage abereye umuyobozi barabigaya none ngo yasezeye kumpanvu ze bwite.hari bagitfu benshi bimirenge nutugari bitwara kuriya ntibatinye namaso yabaturage bayobora . bayobozi bacu mwisubireho kandi mujye mwitandukanya nuwakoze amafuti mumuhangare mumubwize ukuri ko yakoze nabi nimufata numwanzuro ukakaye kuri we muwutangaze uko wakabaye kugirango abaturage babonye imyitwarireye nabo bemere ko hejuru ya gitifu hari undi muyobozi wakosoye ibyabaye. thx
Subiza ⇾Tanga igitekerezo