Umukino w�umunsi wa 23 wa shampiyona y�Abongereza wahuza Liverpool na Manchester United yari yayisuye, warangiye Liverpool itsinze ibitego 2-0 ikomeza kuyobora iyi shampiyona ya mbere ikunzwe ku isi.
Wari umukino ufunguye warimo n�imbaraga ku mpande zombi. Liverpool yakiniraga imbere y�abafana bayo yihariye igice kinini cy�uyu mukino inarema uburyo bwinshi kurusha mukeba, gusa abasore ba Manchester United na bo bacishagamo bakarema uburyo biciye kuri Daniel James na Anthony Martial.
Byasabye umunota wa 14 w�umukino wonyine ngo ikipe ya Liverpool ifungure amazamu ibifashijwemo na Virgil Van Dijk. Hari ku mupira wari uturutse kuri koruneri ya Trent Alexander-Arnold, usanze uyu myugariro w�umuholandi awutereka mu rucundura n�umutwe.
Abasore b�umutoza Ole Gunnar Solskjaer bakoze ibishoboka ngo bishyure iki gitego mbere y�uko igice cya mbere cy�umukino kirangira, gusa ntibashobora kubigeraho.
Igice cya kabiri cy�umukino muri rusange cyaranzwe no gusatirana gukomeye ku mpande zombie, Manchester United ishaka igitego cyo kwishyura mu gihe Liverpool nay o yacungiraga hafi ngo ibone igitego cya kabiri.
Ikizere cyo guhagarika Liverpool abafana ba Manchester United bari bafite, cyarangiye burundu ku munota wa 90 w�umukino ubwo Mohamed Salah yatsindiraga Liverpool igitego cya kabiri.
Ni ku mupira muremure yari aterewe n�umuzamu Alisson Becker, mbere yo kuwufunga agaca mu rihumye ba myugariro ba Manchester United bisanze yamaze kubatsinda igitego.
Uyu mukino watumye Liverpool ikomeza kuyobora shampiyona y�Abongereza 64, mu gihe igifite umukino w�ikirarane ugomba kuyihuza na West Ham United.
Iyi kipe y�umutoza Jurgen Klopp irarusha Manchester City iyikurikiye amanita 16.
Liverpool kandi yujuje imikino 39 ya shampiyona y�Abongereza nta mukino n�umwe iratsindwa.
Tanga igitekerezo