Ubutegetsi bushya bwa Sudani kuri uyu wa Kane bwafashe icyemezo cyo gusiba mu mashyaka yemewe mu gihugu ishyaka rya Omar Al-Bashir, wahoze ayoboye igihugu ndetse n�imitungo yose yaryo igafatirwa.
Perezida Bashir arangaje imbere ishyaka rye, National Congress Party, bayoboye Sudani kuva ku itariki 30 Kamena mu 1989 kugeza muri Mata uyu mwaka wa 2019.
Minisitiri w�Intebe wa Sudani, Abdalla Hamdok yatangaje ko iki cyemezo kitagamije kwihorera ku bahoze bayoboye igihugu ahubwo kigamije gusubiza abaturage ubutunzi banyazwe.
Hagati aho, nk�uko tubikesha Ijwi rya Amerika, Bashir afungiye mu murwa mukuru, Khartoum, akaba akurikiranweho ibyaha bya ruswa.
Si we wenyine ufunze kuko n�abandi bahoze mu butegetsi bwe ndetse n�abayobozi b�iryo shyaka, NCP, nab o batawe muri yombi.
Tanga igitekerezo