Ikigo cya Leta Zunze Ubumwe za Amerika (USA) gushinzwe gukumira no kurwanya indwara, CDC, tariki ya 6 Nyakanga 2021 cyashyize u Burundi mu bihugu bifite ubwandu buke bw�icyorezo cya Covid-19.
Uru rutonde ruri mu ibara ry�umuhondo, rurimo rugizwe n�ibihugu 55 birimo ibindi byo muri Afurika nka: Nigeria, Benin, Burkina Faso, Chad, Comores, C�te d�Ivoire, Eswatini, Gambia, Guinea, Ghana, Mali, Maurice, Niger, Senegal na Togo.
CDC isaba Abanyamerika bafite gahunda yo gukorera ingendo muri ibi bihugu, kubanza kwikingiza mu buryo bwuzuye. Ku Burundi, igira iti: �Banza wikingize mu buryo bwuzuye mbere yo kujya mu Burundi.�
Yakomeje iti: �Abagenzi bagomba gukurikiza ibisabwa mu Burundi, birimo kwambara agapfukamunwa, bakanahana intera ya 6ft (1.83m).�
Ibihugu byo mu Karere ka Afurika y�Iburasirazuba n�ak�Ibiyaga Bigari nk�u Rwanda, Uganda, Repubulika ya Demukarasi ya Congo (RDC) na Sudani y�Epfo byo byashyizwe ku rutonde rutukura ruriho ibihugu byibasiwe cyane (Covid-19 Very High). Kenya iri mu bifite ubwandu buringaniye (Moderate), Tanzania yo iri mu bihugu bidafitiwe amakuru.
Tanga igitekerezo