Umutoza wa Rayon Sport Ivan Jacky Minnaert kuri icyi cyumweru tariki ya 15 Mata 2018 yatangaje urutonde rw’abakinnyi 19 azifashisa mu mukino w’ishiraniro afitanye na Costa de Sol yo muri Mozambique mu marushanwa ya CAF Confederation Cup.

Ni umukino wo kwishyura dore ko umukino ubanza wabereye hano kuwa 6 Mata 2018 I Kigali ukarangira Rayon Sport itsinze ibitego 3:0. Uyu mukino uzaba kuwa gatatu tariki ya 18 Mata 2018, uzaba ari ukino w’injyana muntu kuko ikipe ya Costa de Sol izaba iri imbere y’abafana bayo kandi ishaka gukomeza mu mutsinda.
Ikipe izarokoka hano izahita ijya mu matsinda ya CAF Confederation Cup. Rayon Sport ifite impamba y’ibitego bibiri niramuka ikuyemo iyi kipe,izaba ikoze amateka yo kugera muri iki cyiciro ariyo ya mbere ku makipe yo mu Rwanda.

Dore urutonde rw’abakinnyi Rayon Sports irahagurukana kuri icyi cyumweru:
Abazamu: Ndayishimiye Eric Bakame na Ndayisenga Kassim
Ba myugariro: Mugabo Gabriel, Ange Mutsinzi, Faustin Usengimana, Manzi Thierry,Eric Rutanga, Nyandwi Saddam na Eric Irambona.
Abakina hagati mu kibuga: Yannick Mukunzi, Muhire Kevin, Niyonzima Olivier Sefu, Mugisha Francois, Djabel Manishimwe, Yassin Mugume.

Ba rutahizamu: Shassir Nahimana, Shaban Hussein Tchabalala , Ismaila Diarra na Christ Mbondi.
Rayon Sports izakina idafite Kwizera Pierre bakunze kwita Pierrot na Bimenyimana Bonfils Caleb kubera amakarita y’umutuku babonye mu mikino ibanza.

 

Nkurunziza Viateur Bwiza.com

Musubize:

Tanga igitekerezo
Andika amazina