Thomas Vermaelen , umusore ukina inyuma mu ikipe ya FC Barcelona yo muri Espagne arasobanura uburyo kuba myugariro w’iyi kipe bikomeye, mu gihe hari abibwira ko ari akazi koroshye bitewe n’abakinnyi b’ibihangange ifite.

Mu kiganiro yagiranye na Guardian, Uyu musore ukomoka mu Bubiligi, avuga ko gukina hagati unasubira inyuma kugarira bigoye cyane muri FC Barcelona, mu gihe abantu baba bakeka ko kuba ifite abataka bakomeye nka Messi, Suarez n’abandi biba bihagije gusa.

Yagize ati “Abantu bajya babitekereza nabi ko byoroshye kuba myugariro hano, ko ari akazi koroshye, ko bihagije kwataka gusa, ukataka, ukataka,…ariko bisaba urwego ruri hejuru.

Tuba dufite igitutu kidasanzwe, tuba dufite metero 50 inyuma yacu dusubira inyuma, buri gihe ntabwo biba byoroshye, gusa ikintu kimwe gishobora kutworohera ni ukuba twatera ishoti rirerire umupira ukava hafi y’izamu ryacu”.

Uyu musore w’imyaka 32 atangaje ibi, mu gihe ataza kuboneka mu kibuga mu mukino urahuza ikipe ya FC Barcelona na Eibar, muri shampiyona ‘La Liga’, uraba saa kumi n’imwe zo kuri uyu wa Gatandatu tariki ya 17 Gashyantare 2018.

Kanda Subscribe ujye ubona Video zigezweho 

 

 

Musubize:

Tanga igitekerezo
Andika amazina