Diamond Platnumz, umuhanzi ukomoka muri Tanzania, yatangarije nyina ko Imana imushoboje uyu mwaka wa 2018 wajya kurangira yararongoye.

Ubwo yifurizaga nyina umunsi mwiza, ku munsi mpuzamahanga w’abagore, Diamond yashimiye nyina wamubyaye akamurera ubu akaba amaze kuba umugabo, anaboneraho kumubwira ko ashobora kurongora.

Yagize ati “mwifurije umunsi mwiza w’abagore n’abandi bose batuye isi, ndagushimira kuba warambyaye ukanandera ubu nkaba narakuze,…”.

Uyu mugabo yakomeje yihanganisha nyina, mu buzima avuga ko bwaba bukomeye yaciyemo agerageza gushakisha uko yamurera agakura, ndetse anamusaba imbabazi ku bw’ibitutsi cy’angwa amagambo mabi yaba yarabwiwe kubera we[Diamond].

Yaboneyeho kumubwira ati “Imana Imfashije, uyu mwaka wajya kurangira nkoze ubukwe buzakubera ubw’ibyishimo kandi bizakomeza mu buzima bwawe bwose, ndagukunda cyane mama”.

Diamond agaragaje ko ashaka kurongora, nyuma y’iminsi mike atandukanye n’umugore we, Zari Hassan babyaranye abana babiri, umuhungu n’umukobwa.

Kanda kuri SUBSCRIBE ujye ubona ibiganiro n’indirimbo bishya

Musubize:

Tanga igitekerezo
Andika amazina