Umuhanzi wo muri Nigeria, David Adedeji Adeleki, uzwi nka Davido ari i Kinshasa aho yamaze guhura n’umusaza Kofi Olomide. Aba bombi batangiye gukorana indirimbo kugeza ubu bataratangaza izina.

Kuri uyu wa 9 Werurwe, aba bahanzi bombi b’ibyamamare cyane cyane muri Afurika bahuriye mu nzu ikora umuziki. Amakuru yavuye ku rubuga rwa Instagram rwa Koffi Olomide ruriho amashusho bifashe bari kumwe. “Njye na Davido turi mu nzu ikora umuziki ( studio). Turashaka gukorana indirimbo.” Aya ni amagambo Koffi Olomide yavuze.

Davido kandi aherutse gukorana indirimbo na Cassper Nyovest, uturuka muri Afurika y’epfo. Iyo ndirimbo yabo bayise ‘Check on you’.

Uyu muhanzi kandi w’umunyanijeriya kandi byavugwaga ko yagombaga gukorana indirimbo n’umuhanzi w’umunyarwanda Jay Polly, ariko yahise yerekeza muri Repubulika iharanira demokarasi ya Congo itarangiye.

Kanda kuri SUBSCRIBE ujye ubona ibiganiro n’indirimbo bishya

Jean de Dieu Tuyizere/bwiza.com

Musubize:

Tanga igitekerezo
Andika amazina