Perezida Donald Trump wa Leta Zunze Ubumwe za Amerika aranenga ikigo FBI gishinzwe iperereza kuba kitarashoboye guhagarika ubwicanyi bwabaye ku wa Gatanu tariki ya 16 Gashyantare 2018, ku ishuli ryo muri Florida kandi ngo hari ibimenyetso byari byagaragaye biburira.

Perezida Trump avuga ko FBI ita igihe ngo iri mu maperereza y’uburyo u Burusiya bwagize uruhare mu itorwa rye, ntiyite ku mutekano w’abaturage.

Ubutumwa yacishije kuri Twitter, yavuze ko FBI ikwiye kwita ku kazi kayo, ko atumva uburyo yananiwe guperereza mbere y’uko ubwicanyi buba kandi hari amarenga yari yabanje gucibwa.

Imbere y’ubwo bwicanyi, ngo ibihumbi by’abaturage barigaragambije muri Leta ya Floride basaba ubutegetsi gukomeza ibikorwa byo kugenzura ibirwanisho.

Nikolas Cruz w’imyaka 19 wishe abantu 17

Bwana Trump yavuze ko uwakoze ubwo bwicanyi, Nikolas Cruz, yabitewe n’uko arwaye mu mutwe, byanashimangiwe ubwo yagezwaga imbere y’urukiko.

Nikolas Cruz w’imyaka 19 yishe abantu 17 akoresheje imbunda, mu kigo cy’amashuli yahoze yigaho muri Leta ya Florida, akaba yari amaze umwaka n’igice afite uburwayi bwo mu mutwe.

Kanda Subscribe ujye ubona Video zigezweho 

 

Musubize:

Tanga igitekerezo
Andika amazina