Kuri uyu wa Mbere, itariki 16 Mata, mu nteko rusange y’Inteko Ishinga Amategeko, umutwe wa Sena, hasuzumwe ishingiro ry’umushinga w’itegeko ngenga rihindura itegeko ngenga No 001/2016/OL ryo kuwa 20/04/2016 rishyiraho amategeko rusange agenga ibigo bya Leta; no kuryemeza.

Hagaragajwe ibigo bya leta bimaze guhuza amategeko yabyo n’itegeko ngenga rishyiraho amategeko rusange agenga Ibigo bya Leta n’ibigo bishya bya Leta byashyizweho hakurikijwe ibiteganywa n’itegeko ngenga rishyiraho amategeko rusange agenga Ibigo bya Leta.

Minisitiri w’abakozi ba leta n’umurimo, Kayirangwa Fanfan Rwanyindo, yabwiye Sena ko ingingo ya 27 y’ itegeko ngenga rihindura Itegeko Ngenga no 001/2016/OL ryo ku wa 20/04/2016 rishyiraho amategeko rusange agenga Ibigo bya Leta, iteganya ko “Amategeko yose ashyiraho ibigo bya Leta akurikizwa kugeza ubu agomba kuba yahujwe n’iri tegeko ngenga mu gihe kitarenze imyaka 2 uhereye igihe ritangarijwe mu igazeti ya Leta ya Repubulika y’u Rwanda.

Minisitiri Rwanyindo kandi yavuze ko impamvu z’uyu mushinga w’itegeko ngenga ari ukongera igihe cyateganywaga mu ngingo ya 27 y’Itegeko Ngenga no 001/2016/OL ryo ku wa 20/04/2016 rishyiraho amategeko rusange agenga ibigo bya Leta, kuko byagaragaye ko icyo igihe kiri hafi kurangira kandi hakiri ibigo bitarahuza amategeko yabyo n’ibiteganywa mu iri tegeko ngenga.

Ibigo bya Leta bimaze guhuza amategeko yabyo n’itegeko ngenga rishyiraho amategeko rusange agenga Ibigo bya Leta.

Ibigo bishya bya Leta byashyizweho hakurikijwe ibiteganywa n’itegeko ngenga rishyiraho amategeko rusange agenga Ibigo bya Leta.

Perezida wa Senat, Bernard Makuza akaba yasoje imirimo y’inteko rusange y’uyu munsi, anatangaza ko igihembwe kidasanzwe gisojwe.

 

Kanda kuri SUBSCRIBE ujye ubona ibiganiro n’indirimbo bishya

 

Musubize:

Tanga igitekerezo
Andika amazina