Igipolisi cya Uganda ahitwa Busia kiri guhiga abantu bataramenyekana bari bitwaje imbunda yo mu bwoko bwa pistol, bateye station ya polisi bakarasa umupolisi bakanatwara imbunda ye.

Iyi mbunda yo mu bwoko bwa AK-47 ifite numero 565908874 yari irimo amasasu 30, yatswe PC Stafford Walusansa mu ijoro ryakeye kuri uyu wa 18 Gashyantare, ubwo yari kuri station ya polisi ya Sofia.

Iyi nkuru dukesha urubuga rwa Spyreports iravuga ko abakoze ibi ari abagabo babiri bari bari kugendera kuri moto.

Bikavugwa ko aba bari bafite imbunda yo mu bwoko bwa pistol baje guta aho ngaho bari kurwana n’uwo mupolisi kandi bakaba bakoresheje moto ifite ibirango byo muri Kenya.

Uyu mupolisi Walusansa yahise ajyanwa mu bitaro ngo akurikiranwe n’abaganga mu gihe ngo iyo mbunda ya pistol yo mu bwoko bwa kera ngo yari irimo amasasu ane.

 

Musubize:

Tanga igitekerezo
Andika amazina