Nyuma y’iminsi mike ahagaze ku butoza bw’ikipe ya Rayon Sports, Karekezi Olivier, avuga ko hari byinshi yagiye akorerwa n’ubuyobozi bw’iyi kipe bikamubabaza, ndetse rimwe na rimwe akabona bubifitemo uruhare.

Aganira na Radiotv10, Karekezi ubu uri ku mugabane w’u Burayi mu Gihugu cya Suede, yatangaje ko yasubiye muri iki gihugu nyuma yo kubona ko adashakwa n’ubuyobozi bwa Rayon Sports.

Yagize ati Namaze iminsi 18 mu maboko y’ubugenzacyaha, nta wundi muyobozi wa Rayon Sports wangezeho nk’umukozi wayo,…. Navuyeyo nkomeza akazi n’abakinnyi, nakomeje guhura n’ibibazo nkabona ubuyobozi busa nkaho bubishyigikiye mpitamo kureka ako kazi ngaruka Swede”.

Karekezi, agaruka ku mukino Rayon Sports yakinnye n’ikipe ya Musanze FC mu kwezi gushize, ko yatunguwe no kumva ubuyobozi bwategeye iyi kipe, Perezida asaba abakinnyi bayo [Musanze] gukoresha imbaraga zishoboka ngo arebe ko bayitsinda, mu rwego rwo gusuzuma abakinnyi afite n’umutoza wabo.

Ati “Mbere ya Match ya Musanze twakiniye i Nyamirambo, Paul Muvunyi yaraje atubwira (staff technique) ko yategeye Musanze ko nidutsinda arabaha Prime (agahimbazamusyi). Twari kumwe na Captain Bakame arabizi. Abandi bari muri bus… Njye narumiwe biranambabaza nyuma y’ibyo yazajye na Ivan Minnaert muri sitade”.

Ku wa 20 Nyakanga 2017, Perezida w’ikipe ya Rayo Sports,  Gacinya Chance Denis, yatangaje ko Karekezi Olivier yagiranye amasezerano n’ubuyobozi bw’ikipe, akaba yabaye umutoza mukuru, yabuvuyeho mu mpera z’ukwezi gushize.

Karekezi Olivier yagiye atoza amakipe y’abana muri Suede ari naho aba n’umuryango we, afite impamyabushobozi y’ubutoza yo mu rwego rwa “Licence A” ya UEFA yabonye muri 2014.

Kanda kuri SUBSCRIBE ujye ubona ibiganiro n’indirimbo bishya

Musubize:

Tanga igitekerezo
Andika amazina