Burya amateka meza y’abatoza batandukanye ku mugabane w’i Burayi bashobora kuba bayakesha ubunararibonye muri uyu mwuga w’umupira w’amaguru. Kuba batoza ibyo bakinnye biri mu ntwaro ikomeye abagabo nka Zinedine Zidane na Pep Guardiola bifashisha mu mwuga w’ubutoza.

Aha tuhafite urutonde rw’abatoza bafatwaga nk’inkingi ya mwamba igihe bari abakinnyi:

6.Carlo Ancelotti

Uyu yatojeho ikipe ya Bayern Munich, yakiniye amakipe nka Parma, AS Roma, AC Milan, ikipe  y’igihugu y’Ubutaliyani. Muri ibi bihe yakinaga hagati, bano twita “mediateurs”. Igihe AS Roma yatwaraga igikombe cya shampiyona n’icy’igihugu(Copa Italia), uyu mutoza yarayikiniraga.

Carlo Ancelotti kandi yafashije AC Milan gutwara bimwe mu bikombe by’i Burayi nka UEFA Champions League. Uyu mutoza kandi yatoje amakipe yo mu Bufaransa, Ubwongereza, Ubudage n’Ubutaliyani atwaramo ibikombe n’ibihembo byinshi.

 

5.Mark Hughes

Uyu mutoza yari rutahizamu mu makipe akomeye cyane kuri uyu mugabane nka FC Barcelona, Manchester United, Bayern Munich na Chelsea. Uyu yatoje Manchester City, Queens Park Rangers, Stoke City n’ikipe y’igihugu ya Wales. Ubu atoze ikipe ya Southampton mu Bwongereza.

 

4.Frank De Boer

Uyu mutoza yatwaye ibikombe 5 muri shampiyona y’Ubuholandi( Eredivisie) na kimwe cya UEFA Champions League igihe yakiniraga Ajax Amsterdam. Mu gihe cye cy’ubutoza, yatwaye igikombe cya shampiyona igihe yatozaga FC Barcelona. Nyuma, de Boer yerekeje muri Ajax atwara ibikombe 4 bya shampiyona.

Igihe uyu mutoza yerekeje muri Inter Milan na Crystal Palace kuko yavuyemo nta kinini akoze nyuma y’igihe gito yari amaze muri aya makipe nk’umutoza.

 

3.Ronald Koeman

Mu mateka y’umupira w’amaguru, Koeman ni we myugariro watsinze ibitego byinshi(239 mu mikino 685). Yakiniye ikipe nka Ajax, PSV n’ikipe y’igihugu y’Ubuholandi. Mu gihe yari amaze igihe gito atoza Everton, yayifashije gutwara igikombe cya Europa League.

 

2.Pep Guardiola

Uyu mutoza ubu ufite mu maboko ikipe ya Mancheter City nk’umutoza, yakiniye ikipe ya FC Barcelona n’ikipe y’igihugu ya Esipanye. Igihe yari mu ikipe y’igihugu, yatwaye umudari wa zahabu mu mikino ya ‘Olympic”, mu 2002 na ho yagaragaye mu ikipe y’irushanwa rya Euro.

Guardiola yatoje amakipe atatu gusa ari yo: FC Barcelona yatwariyemo ibikombe byinshi bishoboka harimo ibya shampiyona, iby’igihugu n’iby’Uburayi. Yatoje kandi Bayern Munich na ho ahatwarira ibihembo n’ibikombe.

 

1.Zinedine Zidane

Uyu mutoza yakiniye ikipe y’igihugu y’Ubufaransa na Real Madrid. Mu mateka ye, yatwaye umupira wa zahabu n’ubwo ari inshuro imwe. Zidane yakoreye amateka muri Real Madrid, aba umutoza watwaye ibikombe byinshi mu gihe gito. Mu mezi 19, uyu mutoza yafashije iyi kipe gutwara ibikokombe 7. Ibi bigwi yagiriye muri Esipanye byatumye agirwa umutoza mwiza wa FIFA mu mwaka wa 2017.

 

Mu ikipe ye y’u Bufaransa, Zidane yayifashije gutwara igikombe cy’isi mu mwaka w’1998, mu 2000, we n’ikipe y’igihugu, atwara Euro.

 

Tuyizere Jean de Dieu/bwiza.com

 

Musubize:

Tanga igitekerezo
Andika amazina