bwiza.com
Ahabanza » Hifashishijwe umutuzo ubu habonetse umuti uvura ababaswe n’inzoga n’ibiyobyabwenge
Amakuru

Hifashishijwe umutuzo ubu habonetse umuti uvura ababaswe n’inzoga n’ibiyobyabwenge

Umuryango Brahma Khumaris uravuga ko ubu abantu batandukanye babaswe no kunywa inzoga, itabi n’ibiyobyabwenge bashobora gukira nta wundi muti bifashishije uretse gutuza no kuyobora ibitekerezo ibyo bakunze kwita meditation mu ndimi z’amahanga.
Ibi ni ibyagaragajwe na Dr Nir Maladidi umuganga usanzwe ariko ufite ubunararibonye muri meditation. Ubwo yaganiraga n’abantu basanzwe bakora uyu mwitozo ku mugoroba wo kuri iki cyumweru tariki ya 26 nyakanga 2015.
Muri iki kiganiro Dr Nir Maladidi yavuze ko meditation ivura hadakoreshejwe imiti isanzwe ndetse igatuma umuntu agira umunezero, umutuzo n’imbaraga ari nako imihangayiko ( stress) ishira.
???????????????????????????????
Dr Nir ati “ Imiti isanzwe ntikemura ikibazo giterwa na stress. Ariko meditation ivura hadakoreshejwe imiti isanzwe. Hari ibibazo bimwe na bimwe bidakemurwa n’imiti isanzwe nko kureka itabi ndetse n’ababaswe n’inzoga n’ibiyobyabwenge. Ibi meditation irabikemura ikaba kandi yongera ibyiringiro ku bihebye.”
Mu bindi bikemurwa na meditation hari uguhindura imyitwarire ku muntu ufite imyitwarire mibi igahindukamo imyitwarire myiza
Ubwo yaganiraga na Bwiza.com Patrick Kimenyi Patrick umwe mu banyamuryango ba Brahma Khumaris avuga ko gukora meditation byatumye amenya uwo ariwe bituma atuza ndetse amenya uburyo yayoboraga ibitekerezo bye.
???????????????????????????????
Meditation yayitangiye mu 2006 ubwo yari akirangiza kwiga kaminuza. Akaba yarayitangiye mu muryango Brahma Khumaris nyuma y’aho aboneye ko afite imihangayiko myinshi ( Stress) akumva ko ibyo ashaka atabasha kubigeraho. Ibyo akaba atarabyishimiraga kuko yumvaga hari ikibura mu buzima bwe.
???????????????????????????????
Meditation ni uburyo bushya bwo kuvura hadakoreshejwe imiti isanzwe ahubwo hakoreshejwe umutuzo no kuyobora ibitekerezo. Ubu buryo bukaba bwarageze mu Rwanda mu 2005 buzanywe n’umuryango Brahma Khumaris.
Brahma Khumaris yashinzwe mu 1936 na Brahma waretse ibikorwa by’ubucuruzi bw’amabuye y’agaciro yakoraga akajya kwitangira amahoro. Khumaris ni abakobwa batangiranye n’uyu muryango ari naho Dr Nir Maladidi nawe yatangiranye nawo
Kanda hano ujye ubona amakuru yihuse kandi kugihe kuri Facebook no kuri twitter
Munyankindi Alphonse / Bwiza.com

Izindi wakunda

Bwiza.com