bwiza.com
Ahabanza » Sobanukirwa n’icyo imirongo yo mu biganza isobanura naho bihurira n’imyitwarire y’umuntu mu rukundo
Amakuru Utuntu n'utundi

Sobanukirwa n’icyo imirongo yo mu biganza isobanura naho bihurira n’imyitwarire y’umuntu mu rukundo

Mu gihe imirongo igaragara mu biganza by’abantu iba idasa, bitangazwa ko igira n’aho ihurira n’imyitwarire y’umuntu ndetse n’ubuzima abayemo mu rukundo.
Nk’uko bitangazwa n’urubuga reshareworth, Inzobere zigaragaza isano ry’abantu bahuje ubwoko bw’imirongo yo mu kiganza,aya masano ahanini yibanda ku mico ya ba nyirayo n’uko bitwara mu rukundo.
5
Habaho ubwoko 4 bw’imirongo yo mu kiganza bwose bukaba butandukanye mu bisobanuro by’imico n’imyitwarire ndetse n’imibereho mu rukundo
1.Iyo umurongo wo hejuru ugarukira hagati mu rutoki rwa musumba zose ni ubwoko bwa mbere bw’ikiganza.
1
Ubushakashatsi bugaragaza ko umuntu ufite ubu bwoko bw’ikiganza aba yavamo umuyobozi mwiza kuko mu mpano ze aba yarabivukanye.
Ufite ubu bwoko bw’ikiganza ntakunda gukorera ku gahato cyangwa ngo abe yavugirwamo,aba afite imyitwarire myiza kandi ari umunyabwenge cyane cyane mu gufata imyanzuro atagendeye ku bandi.
Mu rukundo, bene aba bantu kandi bakunda kwikanyiza no gukunda ibintu cyane kurusha gukunda umuntu n’umutima we mwiza cyangwa ubwiza bwe.
2.Mu gihe umurongo wo mu kiganza cyawe ugarukira mu ihuriro ry’urututoki rwa musumbazose na Mukubitarukoko,mu buzima busanzwe uzaba uri umuntu ukunda kugirirwa icyizere.
2
Uzaba uri umunyamico myiza kandi n’inyangamugayo
Ku bigendanye n’uburyo bwo kwitwara mu rukundo,uzaba uri umuntu ugira urukundo rwinshi,wimariramo uwo ukunda kandi mu gvihe kitari kirekire mukundanye,
Ntutinya kugaragaza amarangamutima y’urukundo kimwe no kwiyorobeka mu rukundo
Uzaba uri umuntu ukunda kwihutira gufata imyanzuro kandi yuje amarangamutima kandi ushingiye ku cyo abo muri kumwe bifuza.
3.Iyo umurongo wo hejuru mu kiganza cyawe urangirira hagati mu urutoki rwa Mukubitarukoko,aba ufite imico ijya gusa cyane n’iyo mu bwoko bwa mbere.
3
Gusa icyo batandukaniraho ni uko abafite ubu bwoko bw’ikiganza bagira urukundo rw’ukuri kandi ntibakunde ibintu.
Ntibakunda kujarajara mu rukundo ndetse batinya cyane kwishora mu rukundo kuko bakunda bihamye bitagira imikino no kujenjeka.
4.Umurongo wo mu kiganza uhurira hagati y’urutoki rwa Mukubitarukoko n’urwa Nyangufi nyirazo,uwo muntu mu mico ye aba yihangana,azirikana kandi akita ku kintu icyo ari cyo cyose kimureba.
4
Ufite ubu bwoko bw’ikiganza agira urukundo rugaragarira buri wese kandi akagwa neza,ahorana ibyishimo n’igitwenge kabone n’iyo yaba ari mu kibazo usanga abasha kubyitwaramo neza.
N’ubwo ubwoko bw’imirongo yo mu kiganza ari bwinshi kandi bugiye butandukanye ariko hashingiwe ku mirongo fatizo,ibi kandi ubushakashatsi bwemeza ko hari aho bihurira n’ubwoko bw’amaraso(Group Sangin)
Kanda hano ujye ubona amakuru yihuse kandi kugihe kuri Facebook no kuri twitter
Palemon Shimirwa/bwiza.com

Izindi wakunda

Bwiza.com