bwiza.com
Ahabanza » Ubushinwa: Nyuma yo gukura cyane umukecuru yameze ihembe
Amakuru Utuntu n'utundi

Ubushinwa: Nyuma yo gukura cyane umukecuru yameze ihembe

Umukecuru w’imyaka 87 y’amavuko mu gihugu cy’u Bushinwa yameze ihembe ryateye benshi impungenge aho barigereranya n’imyaka ye y’ubukure. Kugeza abaganga bagerageje kubaga iri hembe ariko byananiranye bakaba bavuga ko batewe ubwoba n’iri hembe riri gukura ubutitsa.
Abaganga bo mu gihugu cy’u Bushinwa baratangaza ko babonye indwara yabateye ubwoba kuko itari isanzwe iboneka mu gihugu cyabo ndetse ikaba yanagoranye kuyivura, aho umukecuru w’imyaka 87 y’amavuko yameze ikintu gisa n’ihembe mu gahanga ubu iryo hembe rikaba rimaze kugira santimetero zisaga 12.
umukecuru w'ihembe
Uyu mukecuru witwa Liang Xiuzhen ukomoka mu mujyi wa Sichuan wo mu majyepfo y’uburengerazuba bw’igihugu cy’u Bushinwa, afite imyaka 87 y’amavuko.
Yatangarije abaganga ko iri hembe ryatangiye kugaragara mu ruhanga rwe guhera mu myaka ibiri ishize, ariko rikaba rikomeza gukura uko bwije n’uko bukeye, kugeza ubu rikaba rifite uburebure bwa santimetero zisaga 12.
Ikinyamakuru Dailymail dukesha iyi nkuru,kivuga ko mu myaka 8 ishize, Liang yabanje kuzana ikimenyetso cy’umukara mu gahanga aho iryo hembe ryameze, nyuma rigatangira kugenda ritunguka gahoro gahoro.
Umuryango we ngo wabanje kumujyama mu bavuzi gakondo bakoresha imiti y’ibyatsi.
Umuhungu w’uyu mukecuru witwa Wang Zhaojun avuga ko kuva mu myaka ibiri ishize ubwo batangiraga kubona ihembe rizamuka mu gahanga k’umukecuru, bahise bamujyana mu baganga bakomeye ariko bakananirwa kumwitaho.
Muri uyu mwaka wa 2015, nibwo umwe mu bana b’uyu mukecuru yari arimo kumukarabya, akoma ihembe ryariho ritoya rivaho, nyuma hahita hamera irindi rinini ndetse ryo rinakura mu buryo bwihuse mu mubyimba no mu burebure ndetse rinakomeye nk’iry’inyamaswa.
Ubu uyu muryango ukaba uhangayikishijwe nuko iryo hembe rikomeza gukura kandi abaganga bakaba barananiwe kugira icyo bakora.
Nubwo abaganga bo muri aka gace batangaza ko bari kurebera hamwe ubundi buryo bakura iri hembe bakavura uyu mukecuru, banahangayikishijwe n’uko nyuma hashobora kubaho inkurikizi.
umuganga uvura ihembe
Abaganga bavuga ko hazabaho ubushishozi mu kuvura ubu burwayi budakunze kuboneka.
Ni ku nshuro ya kabiri muri iki gihugu havuzwe uburwayi nk’ubu, aho mu mwaka wa 2010 nanone undi mukecuru w’imyaka 101 y’amavuko witwa Zhang Ruifang wo mu mujyi wa Henan yari yagaragaje ihembe mu mutwe we, ariko ryo rikaba ryari rigufi kuruta irya Liang.
Kanda hano ujye ubona amakuru yihuse kandi kugihe kuri Facebook no kuri twitter
Alphonse Munyankindi / Bwiza.com

Izindi wakunda

Bwiza.com