bwiza.com
Utuntu n'utundi

Randal Koene agiye gushyiraho ikoranabuhanga rizarinda umuntu gupfa.

Umuhanga mu mikorere y’ubwonko( Neuroscience) Randal Koene, aremeza ko mu minsi iri imbere azaha abantu ububasha bwo kudapfa, bakabaho ubuziraherezo. Ibi ni ibigaragazwa n’ubushakashatsi amaze iminsi akoze ku muntu ubwo yibaza icyazatuma umuntu atongera gupfa.

Daily mail ivuga ko uyu muhanga mu mikorere y’ubwonko yemeza ko mu gihe kitarambiranye araba ashobora kohereza Roho y’umuntu muri mudasobwa, ikaba yaba intambwe ya mbere yo gutuma umuntu yiberaho ubuziraherezo.

Randal
Randal A Koene ngo mu minsi iri imbere azarema umuntu udashobora gupfa ukundi

Mu gihe abahanga benshi bakunze kwibaza icyakorwa kugirango umuntu abashe kubaho by’iteka ryose, Randal we yemeza ko ibi bishoboka hifashishijwe gufata ubwonko bw’umuntu, bukinjizwa muri mudasobwa.

Avuga ko kugira ngo bishoboke hazifashishwa ifatwa ry’ibiri mu bwonko bigahindurwa mubyo mudasobwa yabasha kubika.

Bisaba umubiri mushyashya

Kubaho utari muri uyu mubiri ufite kuri ubu, uyu muhanga yemeza ko bishoboka dore ko hari n’abandi batari bacye bemeza ko bishoboka gukora umuntu binyuze mu kwifashisha ibice bito bito by’umubiri wari usanganywe.

Uyu muhanga yemeza ko ibi bizaba bitandukanye n’ubuhanga buzwi nka artificial intelligence, kuko ibi bizaba ari ugufata Roho yawe yose n’ubwenge bwawe bwose amakuru abigize akinjizwa muri mudasobwa kuburyo ayo makuru icyo yakinjizwamo cyose cyabyara wowe.

Uyu mugabo siwe wenyine wemeza ko ibi bishoboka

Iyi mpuguke mu by’imikorere y’ubwonko n’imiterere yabwo siwe wenyine wemera ko ibi bishoboka. Docteur Hannah Critchlow wo muri kaminuza ya Cambridge, yemeje nawe ko ibi bishoboka mu gihe kitarambiranye, kuko kuri we yemera ko ari ibintu byakoroha habashije kubona mudasobwa yemera kuba yatwarira icya rimwe amakuru angana na milliard 100.000 nk’uko ubwonko bw’umuntu buba bumeze.

Kanda hano ujye ubona amakuru yihuse kandi kugihe kuri Facebook no kuri twitter

Alphonse Munyankindi / Bwiza.com

Izindi wakunda

Bwiza.com