bwiza.com
Ahabanza » Umuriro ushobora kwaka hagati ya Burkina Faso na Cote d’Ivoire, ibifaru byashyizwe ku mipaka
Amakuru Politiki

Umuriro ushobora kwaka hagati ya Burkina Faso na Cote d’Ivoire, ibifaru byashyizwe ku mipaka

Ubwumvikane buke hagati y’ibihugu byombi butangiye kugaragara nyuma yaho abahoze mu gisirikare cya Burkina Faso bagabiye ibitero kuri iki gihugu, bakabigaba ahasanzwe hazwi ko ariho habikwa ibikoresho bya gisirikare, ubu bikaba bicyekwa ko Cote d’Ivoire ibifitemo uruhare.
Ibi bitero byagabwe ku muhanda Kwame M’Kruman mu gace ka Yimdi bikaba bitangazwa ko ibyo bitero byagabwe n’abahoze mu gisirikare cya Burkina Faso, ubu bakaba bacuditse n’uwahoze ari umukuru w’icyo gihugu Compaore.
Leta ya Burkina Faso yatangaje ko abo bagabye icyo gitero ari abahoze barinda bwana Breze Compaore wayobora Burkina Faso akaza guhunga nabi, abo basirikare bakaba bacumbikiwe muri Cote d’Ivoire.
burkina
Nyuma y’ibyo, igihugu cya Burkina Faso cyashyize abasirikare kabuhariwe ndetse n’imbunda zirasa imizinga ku mupaka wacyo na Cote d’Ivoire ngo ku buryo isaha ku isaha umuriro ushobora kwaka hagati y’ibyo buhugu byombi.
BBC dukesha iyi nkuru, yatangaje ko Burkina Faso yashyize abo basirikare ku mupaka itangaza ko barinze ubusugire bw’igihugu cyabo, banga ko izo ngabo ziva muri Cote d’Ivoire zikomeza kubavogera.
Bitangazwa ko igihugu cya Cote d’Ivoire aricyo cyahaye ubuhungiro Perezida Breze Compaore nyuma yaho ahambirijwe riva n’abaturage, akava ku buyobozi shishi itabona, agahunga.
Urukiko mpuzamahanga mpanabyaha ruherutse gusaba igihugu cya Cote d’Ivoire guta muri yombi Breze Compaore ariko Perezida Alassane Dramane Ouattara wa Cote d’Ivoire mucuti we ngo arabyirengagiza.
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Théoneste/Bwiza.com

Izindi wakunda

Bwiza.com