bwiza.com
Utuntu n'utundi

Birashoboka ko uwanduye agakoko gatera SIDA abana n’utaranduye kandi ntamwanduze bakanabyara abana bazima – RBC

Kuri ubu birashoboka ko umugabo n’umugore babana umwe yaranduye agakoko gatera SIDA undi ari muzima kandi ntibanduzanye ndetse bakabyarana n’ubwo bamwe bumva ibi bintu bakumva bidashoboka.
Mu gihugu nk’u Rwanda habarurwa ingo zigera ku 5000 zibana umwe mu bagize umuryango afite ubwandu undi ari muzima. Ibi ariko impuguke zisanga nta gitangaza kirimo ari ibintu bishoboka cyane ndetse n’abo babyara bakavuka ari bazima.
SIDA
RBC,nk’ Ikigo cy’igihugu gishinzwe ubuzima kivuga ko ibyo atari amahirwe gusa, ahubwo gufata imiti neza kandi ku gihe bibarinda kwanduzanya, kuko bigabanya ikigero n’ubukana bya virusi ziba ziri mu mubiri w’umuntu nk’uko Umukozi wa RBC ushinzwe kurinda ikwirakwizwa ry’agakoko gatera SIDA, Jean Olivier Rwema, abyemeza.
Kugeza ubu mu Rwanda habarwa ingo zirenga 5000 zibana zidahuje ibisubizo bya virusi itera SIDA. Minisiteri y’ubuzima ivuga ko ikurikiranira hafi iyo miryango igapimwa kenshi, bahabwa imiti ndetse n’udukingirizo tubafasha kwirinda, gusa ngo haracyari ikibazo cy’imiryango ifite iki kibazo yaburiwe irengero.
Kanda hano ujye ubona amakuru yihuse kandi kugihe kuri Facebook no kuri twitter
Seleman Hakizimana/Bwiza.com
 

Izindi wakunda

Bwiza.com