bwiza.com
Utuntu n'utundi

Inyama z’imbwa, inzoka n’imitubu mu ma hahiro ya kijyambere

Mu mpera z’icyumweru gishize mu gihugu cya Uganda, imwe mu mahahiro ya kijyambere izwi ku izina rya « karuma supermarket » iri muri cave y’igorofa bacuruza inyama z’imbwa, inzoka, ibikeri n’ibindi.
Byabaye urujijo no kwitotomba kuri benshi bagana iryo hahiro bavuga ko bamaze kurya ibitaribwa bifatwa nk’ibizira mu muco w’abaganda. Ubusanzwe bari bazi ko bahabwa amafi atunganyizwe neza yabazwe ndetse n’izindi nyama none batunguwe no kubona ibice by’inzoka ndetse n’imitwe y’imbwa muri iryo hahiro.
inzoka
Bamwe mu bakiliya bavuga ko bishoboka ko izo nyama zavuye ku kibuga cy’indege zikajyanwa mu ihahiro batarazitunganya bityo abakiriya bakazibona. Ntabwo abagande babyihanganiye batangiye gutera amabuye iryo hahiro rikorwamo n’abakomoka mu gihugu cy’Abashinwa gusa.
Ubusanzwe ngo iyo wajyaga guhaha muri iryo hahairo n’ubundi wahabwaga ibyo waguze bipfunyitse muri ambalaje zituruka mu bushinwa kandi bivugwa ko muri iri hahiro nta kindi gicuruzwa wasangamo kitaraturutse mu bushinwa.
imbwa
Bimwe mu binyamakuru bikorera muri Uganda bivuga ko aba bashinwa bakorana n’amwe mu mahahiro y’icyo gihugu bakabagurishiriza inyama z’imbwa, inzoka ndetse n’imitubu mu ibanga kandi ku giciro gihendutse.
Mu gihugu cy’Ubushinwa inyama z’imbwa zirubahwa mu gihe muri Uganda ari ikizira. Hakaba hari abantu bamaze gutabwa muri yombi bazira gukwirakwiza inyama z’imbwa n’inzoka muri Uganda.
Kanda hano ujye ubona amakuru yihuse kandi kugihe kuri Facebook no kuri twitter
 
Leki@bwiza.com

Izindi wakunda

Bwiza.com