bwiza.com
Ahabanza » Mali: Ibirindiro bya MINUSMA muri Tombouctou byabyutse bigabwaho igitero gikaze
Amakuru Politiki

Mali: Ibirindiro bya MINUSMA muri Tombouctou byabyutse bigabwaho igitero gikaze

Agatsiko k’abantu bitwaje ibirwanisho mu gitondo cyo kuri uyu wa Gatanu tariki ya 5 Gashyantare 2016, babyutse bagaba igitero ku birindiro by’ingabo z’Umuryango w’Abibumbye muri Mali zibumbiye muri MINUSMA, ahitwa Tombouctou mu majyaruguru ya Mali, aho ubwo iyi nkuru yashyirwaga ahagaragara mu kanya gashize byavugwaga ko imirwano igikomeje nk’uko Reuters ivuga.
Iki gitero ngo cyije gikurikira ikindi cya rocket cyigambwe n’umutwe wa Ansar Eddine ku yindi nkambi ya Minusma hafi ya Kidal, kuwa 28 Ugushyingo, aho abasirikare babiri baturuka muri Guinea bahasize ubuzima ndetse n’umusivili umwe.
minusma-mali_4063514
Umujyi wa Tombouctou kuva mu 2012 kugeza mu 2013 wakunze kwibasirwa n’ibitero by’inyeshyamba n’imitwe y’iterabwoba. Mu gihe ibyangijwe n’abarwanaga Jihad byari bimaze gusanwa, kuri ubu ibitero bigabwa ku ngabo za leta no ku ngabo za Loni, no kwibisha intwaro byariyongereye mu byumweru bishize.
Iyi nkuru isoza ivuga ko mu ijoro ryo kuwa Kane tariki 07 rishyira kuwa gatanu tariki 08 Mutarama hari umugore ukomoka mu Busuwisi washimuswe. Iki gikorwa kikaba cyarigambwe n’abantu bafite aho bahuriye n’umutwe wa Al Qaida muri Maghreb bita Aqmi mu magambo ahinnye.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com

Izindi wakunda

Bwiza.com