bwiza.com
Imikino

Vardy Jamie ukinira Leicester yatangaje ko agiye gukomeretsa Arsenal

Rutahizamu w’ikipe ya Leicester, Jamie Vardy yatangaje ko bagiye gukomeretsa ikipe y’Arsenal nk’uko baherutse kwandagaza ikipe ya Manchester City, ku mukino uteganyijwe kuri iki Cyumweru taliki ya 14 Gashyantare 2016 mu irushanwa rya Premier League
Mu kiganiro Vardy yagiranye na Soccer Am’s Tubes, yavuze ko ikipe ya Arsenal ikomeye kandi ko ifite abakinnyi b’ibihangange,ariko ngo ibyo ntacyo bimubwiye azakora ibishoboka byose azengereze ba myugariro asoreze mu izamu.

Vardy
Jamy Vardy ngo yiteguye gutsinda Arsenal

Vardy yakomeje abwira Tubes ati” ndabizi uyu mukino uzaba ukomeye, n’ubwo mu ntangiro z’irushanwa Arsenal yadutsindiye ku kibuga cyacu 5-2 gusa kugeza ubu sindabyiyumvisha. Nkeka ko byatewe nuko twari tugihuzagurika.”
“Turabizi neza Arsenal ni ikipe ifite izina rikomeye ku isi gusa ibyo ntibyadukanga iyo bigeze mu mupira w’amaguru dushobora kwangiza izina rya buri kipe yose. Muzaba mureba ukuntu Arsenal tuyitesha ikuzo igata ibaba”
“Ntidushobora gutsindwa kuko twe ntitugendera ku izina, nta muntu n’umwe wigeze aduha amahirwe yo kugera mu izamu kuva twatangira irushanwa ahubwo twakoresheje imbaraga zacu bityo kugeza ubwo tugeze mu gihe cyo kuryoherwa buri munota”
Leicester iherutse kwandagaza ikipe ya Manchester City, kugeza ubu niyo iyoboye urutonde rw’irushanwa rya Premier League mu gihe Arsenal ihagaze ku mwanya 3 ikaba irushwa amanita 5 na Leicester
Uyu musore umaze kwesa agahigo ko gutsinda ibitego 18 muri iri rushanwa avuga ko biteguye gutsinda Arsenal bityo umwanya wa1 ukaguma mu biganza bya Leicester kugeza itwaye igikombe.
Kanda hano ujye ubona amakuru yihuse kandi kugihe kuri Facebook no kuri twitter
Ndacyayisenga Fred@Bwiza.com

Izindi wakunda

Bwiza.com
error: Alert: Ntabwo byemewe!!