bwiza.com
Amakuru Politiki

Mugabe yakanze uwamubajije igihe azavira ku buyobozi “naguhanura kuri iyi gorofa”

Ubwo Perezida Mugabe yagiranaga ikiganiro n’umunyamakuru wa Televiziyo ya Leta ya Zimbabwe, yamubajije igihe azavira ku buyobozi amusubizanya iterabwoba amubwira ko yamuhanura ku igorofa (floor).
Ubwo umunyamakuru yamubazaga gahunda yaba afite zo kuva ku buyobozi ndetse n’uzamusimbura, Mugabe yamusubije muri aya magambo: “urashaka ko nguhanura muri iyi gorofa (floor) kugirango ubone ko nkiriho”.
Nk’uko bitangazwa n’ikinyamakuru africanspotlight, ngo nubwo uyu musaza w’imyaka 92 y’amavuko yateye ubwoba umunyamakuru ko yamuhanura mu igorofa, ntabwo yigeze akina umukino w’iteramakofe (boxe) cyangwa ngo abe yagira imbaraga zo gukangara umusore ahubwo ko byashoboka ku bw’igitinyiro afite nk’umukuru w’igihugu.
Mugabe-Sleeping
Ntabwo Mugabe yahuzaga n’umunyamakuru, ku cyo yari amubajije cy’uzamusimbura, ati: “kuki nasimburwa kandi nkiriho, kuki wifuza unsimbura?”.
Robert Mugabe wabaye Perezida wa Zimbabwe kuva yabona ubwigenge, ubu abatavuga rumwe nawe bakomeje kumushinja kunanirwa kuyobora kubera imyaka agezemo (92).
Aha niho bahera bavuga ko igihugu kiri mu maboko y’umugore we Grace Mugabe w’imyaka 50, ko umugabo yananiwe dore ko yageze n’aho gusinzirira mu ruhame no gutera intwambwe akagwa, bigaragaza imyaka agezemo y’izabukuru.
mugabe-robert-fall-2
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Théoneste/Bwiza.com

Izindi wakunda

Bwiza.com
error: Alert: Ntabwo byemewe!!