bwiza.com
Imyidagaduro

Urwikekwe nirwo rutuma Diplomate atishyiraho imisatsi ya kirasita

Umuhanzi Diplomate Fasasie yatangaje ko adashobora kwishyiraho imisatsi ya gisitari cyangwa ngo ahindure izindi nyogosho, aramutse abikoze ngo ntiyabona aho aca kubera urwikekwe.
Ibi yabitangaje nyuma y’uko akunze kugaragara yiyogoshesheje yamazeho umusatsi , akaba yemeje ko aribyo bimuhesha amahora aho anyuze hose ntibamurangarire.
Dipl
Ibi yabitangarije mu kiganiro “Sunday night” ku Isango star, Aho yatanze urugero avuga ko aramutse ashyizeho ama Rasita (DreadLocks) cyangwa ngo akiyogoshesha” Rokoke”,byajya bituma aho ageze hose bamurangarira mu gihe bagashatse ikindi bakora.
Ibi ngo byaba bihabanye n’indagagaciro ze by’umwihariko akaba yagarutse kuri bagenzi be bafite izi ngeso, ko atakwirirwa abataho igihe,
Ati:”Ubikora sinamutera ibuye buri wese agira amahitamo ye, ibyo sinabitindaho kuko hari ibyo nshobora gukora bagenzi banjye ntibabikore,…”.
Abazi Diplomate bakunze kuvuga ko agaragara nk’umuntu uhora yacishije bugufi kandi akaba akunze kurangwa no kuvuga amagambo make ndetse n’indirimbo zikubiyemo inyurabwenge benshi bemeza ko ari nabyo byamufashije kumenyekana kurushaho.
Mu mwaka wa 2009 nibwo uyu muhanzi yatangiye kumvikana hirya no hino mu bitangazamakuru nyuma yo gushyira hanze indirimbo itazava mu mitwe y’abantu yise “Umucakara w’ibihe” abakunzi be bemeza ko ari indirimbo y’ibihe byose.
Si ibyo gusa kuko nyuma yaje gusohora izindi ndirimbo nyinshi zirimo Ikaramu, Ideology, Fasasi wa mbere, Ndi Umunyarwanda na Indebakure.
Mu gihe ashimira abafana be bakomeje kumuteza imbere, Uyu muhanzi avuga ko afite indi mishinga yo gukora amashusho y’izindi ndirimbo izo hambere ndetse n’izubu.
Kanda hano ujye ubona amakuru yihuse kandi kugihe kuri Facebook no kuri twitter
Ndacyayisenga Fred@Bwiza.com

Izindi wakunda

Bwiza.com