bwiza.com
Ahabanza » Perezida Nkurunziza yatanze icyumweru cyo kumenya uwishe Gén.Athanase Kararuza
Amakuru mashya Politiki

Perezida Nkurunziza yatanze icyumweru cyo kumenya uwishe Gén.Athanase Kararuza

Nyuma y’urupfu rwa Brig.Gen.Athanase Kararuza, Perezida Nkurunziza w’u Burundi yatangaje ko igihugu cyabuze intwari by’umwihariko akaba yatanze icyumweru kimwe cy’iperereza ngo hamenyekane abihishe inyuma y’uwo mugambi.
Nkurunziza yaboneyeho kwihanganisha umuryango wa Athanase Kararuza, igisirikare n’igipolisi ndetse n’abandi bose bakoranye n’uyu mujenerali, abibutsa ko yari umuntu wari ufitiye igihugu akamaro.

major
Brig.Gen.Athanase Kararuza

Ubwo abasirikare n’abapolisi bageragezaga guhirika ubutegetsi ku wa 13 Gicurasi 2015, ngo Brig. Gen.Athanase Kararuza yagize uruhare mu guhagarika uwo mugambi, bityo perezida akaba yasabye inzego z’umutekano gukora iperereza bitarenze iyo minsi 7, abatungwa agatoki bakagezwa imbere y’ubutabera.
Mu ijambo yagejeje ku baturage nyuma y’urupfu rwe, Perezida Nkurunziza yakomeje agira ati:””Uno munsi, igenekerezo rya 25/04/2016, wabaye umunsi w’amarira n’amaganya ku muryango w’Intwazangabo Jenerali Athanase Kararuza, ku Nzego zo kwivuna abansi no ku Barundi bose. Hakiri kare, aho Intwazangabo Kararuza yariko ashikana ikibondo ciwe kw’ishure, akarwi k’inkozi z’ikibi kihaye inkumbi mu kumugandagura bunyamaswa, kamugandagurana n’abo bari kumwe mu muduga, harimwo n’Umutambukanyi wiwe”.
Mu gitondo cyo kuri uyu wa mbere tariki ya 25 Mata 2016, nibwo Gén de Brigade Athanase Kararuza yagabweho igitero gikomeye ageze imbere y’ikigo cy’amashuli “Lycée du Saint esprit” muri commune Ntahangwa , yicanwa n’umufasha n’umwana we bari kumwe, abarinzi be (gardes du corps) barakomeretse bikabije.
Gén. Athanase Kararuza yishwe nyuma y’abandi basirikare bakomeye nabo bagiye bicwa buhoro buhoro, harimo Gen Adolphe Nshimiyimana, Lt.Col Darius IKURAKURE,…bakaba baragiye bicwa bivugwa ko bari inkingi zikomeye cyane kuri Leta ya Nkurunziza.
Kanda hano ujye ubona amakuru yihuse kandi kugihe kuri Facebook no kuri twitter
Itangishatse Théoneste/Bwiza.com
 

Izindi wakunda

Bwiza.com