bwiza.com
Ahabanza » Umurambo wa Papa Wemba wagejejwe mu gihugu cye cy’amavuko: AMAFOTO
Imyidagaduro

Umurambo wa Papa Wemba wagejejwe mu gihugu cye cy’amavuko: AMAFOTO

Nyuma y’uko umuhanzi Papa Wemba yitaba Imana ari mu gihugu kitari icye cya Cote d’Ivoire, ubu umurambo we wagejejwe muri Repuburika iharanira Demokarasi ya Congo aho avuka.
wemba3
Umurambo we ukigezwa ku kibuga cy’indege byabaye ngombwa ko ajyanwa mu buruhukiro mu gihe hagitegerejwe ko azashyingurwa.
Abenshi mu bafana be bo muri Cote d’Ivoire baherekeje umurambo aho biteganyijwe ko azashyingurwa ku wa Kabiri nyuma y’umuhango wo kumusezeraho uzabera kuri Sitade y’ i Kinshasa.
WEmba1
Abahanzi b’Abanyafurika bagaragaye bamusezeraho bwa nyuma harimo Manu Dibango, wamufataga nk’ijwi rya Afurika.
Si we gusa kuko na Minisitiri w’umuco muri Cote d’Ivoire, Maurice Bandaman, mbere y’uko umurambo ujyanwa mu buruhukiro yavuze ko umuhanzi adapfa ahubwo asinzira.
Yagize ati: “ umuhanzi ntapfa arasinzira, n’ubwo Wemba apfuye ariko ubu nibwo akomeye kurusha mbere”
WEmba2
Umunyamakuru wa BBC ari nayo yatangaje aya makuru, yavuze ko abari mu gitaramo uyu muhanzi yaguyemo, ngo nk’ikimenyetso cyo kumuhesha icyubahiro baje bambaye imyenda y’umweru.
papa-wemb3
Papa Wemba yapfuye ku Cyumweru taliki 24 Mata 2016 aguye ku rubyiniro, mu Gihugu cya Cote d’Ivoire.Akaba yaratabarutse afite imyaka 66 y’amavuko, gusa kugeza ubu icyamwishe kikaba kitaratangazwa.
Kanda hano ujye ubona amakuru yihuse kandi kugihe kuri Facebook no kuri twitter
Ndacyayisenga Fred@Bwiza.com

Izindi wakunda

Bwiza.com
error: Alert: Ntabwo byemewe!!