bwiza.com
Imikino

Patrick Ekeng, wakiniraga Cameroun yapfiriye mu kibuga

Patrick Claude Ekeng w’ imyaka 26, umukinnyi ukomoka muri Cameroun yitabye Imana ku mugoroba wo kuri uyu wa Gatanu tariki ya 6 Gicurasi 2016, aguye kwa muganga nyuma yo kwitura hasi mu kibuga bikekwa ko yaba yazize indwara y’umutima.
Patrick Ekeng wakiniraga Dinamo Bucarest yo muri Romaniya, yaguye mu bitaro bya Vittorul biherereye mu mujyi wa Bucarest.
patr
Hari ku munota wa 70 w’ umukino ubwo Dinamo Bucarest yariyoboye ku bitego 3 kuri 2 bya Vittorul mu mukino waje kurangira amakipe yombi anganyije 3-3.
Patrick yanyuze mu ikipe ya Le Mans mu Bufaransa muri 2009-13, yituye hasi amaze iminota 7 gusa yinjiye mu kibuga ubwo ikipe ye yakinaga na Viitorul, yaguye ntawundi mukinnyi umukozeho.
Ekeng yahise ajyanwa kwa muganga, gusa nyuma y’ isaha imwe n’ igice inkuru y’ akababaro yahise ijya hanze ko umurwayi yashizemo umwuka.
Umuyobozi w’ikipe akimara kumva inkuru mbi yagize ati: “Ntabwo ndabyiyumvisha. Ni inzozi mbi cyane. Kuri njyewe, ku ikipe ndetse no kubafana bose b’ ikipe ya Dinamo. Ni akababaro”.
pk
Urupfu rwa Patrick Ekeng, wakiniye igihugu cye cya Cameroun imikino itatu mu ikipe y’ abatarengeje imyaka 20, yibukije abantu urupfu rwa mugenzi we Marc-Vivien Foé witabye Imana aguye mu kibuga ubwo hakinwaga umukino wa Confederation cup Cameroun ikina na Colombia taliki 26 Kamena 2003.
Kanda hano ujye ubona amakuru yihuse kandi kugihe kuri Facebook no kuri twitter
Gentille Kamikazi/Bwiza.com

 

Izindi wakunda

Bwiza.com