bwiza.com
Amakuru Politiki

Kigali: Abamotari bataranzwe n’ isuku byakwangiza isura y’ igihugu

Umujyi wa Kigali ukomeje guhwitura abamotari bitewe na bamwe muribo bakomeje kunengwa n’abakiriya kubera umwanda ubagaragaraho.
Muri abo bamotari nabo bemera ko hari bamwe muri bagenzi babo bakigaragaraho umwanda k’ uburyo bishobora guhesha isura mbi igihugu cyane cyane ko mu bagenzi haba harimo n’abanyamahanga.
Abagenzi bakunze kugenda kuri moto usanga binubira abamotari kuko ngo basanga bafite umwanda. Abagenzi batanga ingero zitandukanye z’ama casques yabo bavuga ko aba arimo ivumbi cyangwa ibintu bimeze nk’ ifumbire, abandi ugasanga bambaye ibikote byanduye cyangwa ibindi byenda baba biziritse mu ijosi byanduye, ngo hari n’ igihe usanga moto yahindutse urwondo gusa.
Bamwe mu bamotari bemeza ko ibyo bikorwa n’abamotari batari abanyamwuga, baba bashaka gusebya akazi k’abamotari akenshi baba bamyweye ibiyobyabwenge, bene abo ngo bakunda gukora n’ijoro kuburyo ubagenzuye wasanga nta byangombwa bya Coopérative bagira, na cyane ko Coopérative ibakangurira kugira isuku nk’ uko tubikesha TV &Radio 1.
Ku ruhande rwa coopétive, Tubanambazi Viateur, uyobora cooperative ikorera ku Muhima MCN, nawe yemeza ko iki kibazo cy’umwanda ku ba motari kigaragara, akaba atangaza ko bakorana amanama kenshi aho babakangurira kugira isuku. Bakaba bategura kujya bahana uwo bazajya basanga afite umwanda kuko isuku ari ngombwa.
[xyz-ihs snippet=”google-pub”]
Umuyobozi w’ Umujyi wa Kigali, Mukaruriza Monique, ubwo yatangizaga gahunda ku isuku n’umutekano, yavuze ko abamotari nabo bari mu batwara abantu benshi barimo n’abanyamahanga bityo akaba asaba abamotari n’abandi batwara abantu benshi ko barangwa n’isuku, kuko aba aribo batanga isura yuko igihugu kiba gihagaze.
Yakomeje ashimangira ko iki rari igikorwa abamotari bagomba gufatanya n’umujyi wa Kigali kugira ngo bace burundu umwanda, bajye barangwa n’ isuku, kuko iyo urwanya ikintu ugomba gudafatanya nabo bireba ntacyo ushobora kugeraho mudahuje umugambi.
Mukaruriza yasoje avuga ko bazakomeza gukora ubukangurambaga kugira ngo isuku iboneke atari ku bamotari gusa ahubwo ahagendwa n’abantu benshi mu modoka zitwara bantu benshi, abatwara za taxis voitures n’abandi.
Kanda hano ujye ubona amakuru yihuse kandi kugihe kuri Facebook no kuri twitter
Victor Kayigana/Bwiza.com

Izindi wakunda

Bwiza.com