bwiza.com
Amakuru Politiki

U Rwanda ngo ruzungukira byinshi mu muryango Nyafurika ku bufatanye mu ikoranabuhanga (ATU)

Umushinga w’itegeko ry’ubufatanye Nyafurika ku ikoranabuhanga (ATU) African Telecommunication Union waganiriweho mu namama y’abaminisitiri ngo uzagira akamaro u Rwanda gakomeye nk’uko byagarutsweho na minisitiri y’urubyiruko n’ikoranabuhanga, Jean-Philbert Nsengiyumva.

Jean-Philbert-Nsengimana
Jean-Philbert Nsengiyumva

Ubu bufatanye bwatangiye mu mwaka w’ 1999 butangirizwa muri Afurika y’Epfo mu mugi wa Cape-Town hagamijwe kunoza uburyo amakuru agera ku baturage, ndetse no kunoza ubufatanye ku bigo bikora ubushakashatsi ku ikoranabuhanga mu bihugu bya Afurika.
U Rwanda nka kimwe mu bihugu bigize ubumwe bw’Afurika ariko ntabwo cyigeze kiba umunyamuryango uhoraho muri ubu bufatanye kuko cyahisemo kuba indorerezi.
Umushinga wo kujya muri uyu muryango uri kwigwa ukazemezwa umaze gutorwa mu nteko ishingamategeko.
Minisitiri yasobanuye ko ATU yafashe umwanzuro wo guhindura itegekonshinga riwugenga risaba ko ibihugu byose bitora umushinga wo kwinjiramo, akaba ari muri urwo rwego u Rwanda narwo rwafashe umwanzuro wo kuba umunyamuryango wuzuye.
[xyz-ihs snippet=”google-pub”]
Mu rwego rwo kuzamura ikoranabuhanga u Rwanda rwashyize imbaraga guhera mu mwaka w’2000 gushinga ibigo no gushaka ubundi buryo ikoranabuhanga ryazamuka bigatuma abashoramari mu gihugu biyongera kuko ikoranabuhanga rizajya riborohereza mu byo bakora.
Abakora ibikorwa by’ishoramari bo bavuga ko ibi bizatuma banoza imishinga bakora bagashyiraho na gahunda zituma babasha gukora ibintu binoze ndetse ikoranabuhanga rigatuma ibyo bakora bimenyekana.
Alex Ntale, umuyobozi w’ikoranabuhanga mu rugaga rw’abikorera yavuze ko uyu muryango n’indi imeze nkawo ibafasha gushyira mu bikorwa gahunda zabo za buri munsi, yongeraho ko abafatanyabikorwa babo bose bazabona inyungu mu kujya muri uyu muryango.
Yatanze urugero ko bafashijwe n’umuryango mpuzamahanga w’itumanaho ITU babashije kuzamura urwego rwa interinet ndetse n’ikwirakwira rya telefone zigendanwa.
Ntale yavuze ko kandi byafashije kuganira ku buryo igiciro cy’itumanaho cyagabanwa bituma ishoramari rizamuka.
Raporo ya banki y’isi iheruka yagaragaje ko u Rwanda ruri mu bihugu bya mbere byazamuye ku buryo bugaragara urwego rw’ikoranabuhanga, bitewe na gahunda zagiye zishyirwaho zo gukoresha ikoranabuhanga, zirimo nko kwandikisha ubucuruzi ukoresheje ikoranabuhanga, bikaba byarazamuye ishoramari.
Senateri Muhongayire Jacqueline we yagaragaje impungenge zuko ikoranabuhanga ritarabasha kugera ku bantu bose, atanga urugero ko abamaze kugerwaho na interinet ari miriyoni 3.7 bangana na 33.5% y’abaturage bose, mu gihe mu mwaka wa 2015 abari bamaze kugerwaho na telephone zigendanwa bari miriyoni 7.6 bangana na 77.8% by’abaturage bose.
Kanda hano ujye ubona amakuru yihuse kandi kugihe kuri Facebook no kuri twitter
TUYISHIME Malachie

Izindi wakunda

Bwiza.com