bwiza.com
Ahabanza » Abayobozi bafitiye imyenda Sacco basabwe kuyishyura
Amakuru Politiki

Abayobozi bafitiye imyenda Sacco basabwe kuyishyura

Abayobozi bafitiye imyenda ibigo by’imari basabwe kwihutisha kuyishyura nk’uko byavugiwe mu nama yahuje Banki Nkuru y’Igihugu n’abayobozi mu nzego z’ibanze, Abayobozi b’ibigo by’imari na za Sacco mu Ntara y’Iburasirazuba mu cyumweru gishize, hagamijwe kwigira hamwe uko ibigo na servisi by’imari byarushaho kwegerezwa abaturage ariko n’imicungire yabyo ikanozwa.

Nyakubahwa Guverineri w’Intara y’Iburasirazuba, Madamu Uwamariya Odette, yongeye kwihanangiriza abayobozi mu nzego zitandukanye haba ku rwego rw’imidugudu, utugari n’imirenge usanga bagaragara ku rutonde rw’abambuye ibigo by’imari na za Sacco, avuga ko umuyobozi yagombye kuba intangarugero, yafata inguzanyo akayishyura neza kandi ku gihe kuko natabikora atazagira imbaraga zo kwishyuza n’undi ayoboye utarashoboye kubahiriza ayo mabwiriza.

2162f91cd0

Guverineri avuga ko kuva aho iyi gahunda yo gukurikirana Abayobozi bambuye ibigo by’imari itangiriye, amafaranga arenga Miliyoni mirongo ine amaze kugaruzwa, ariko yongera kwihanangiriza abagaragara nk’abinangiye. Guverineri avuga ko iki kibazo cy’Abayobozi bagaragara ku rutonde rw’abambuye Banki na za Saccos kigiye guhagurukirwa by’umwihariko.. Banki nazo zirasabwa gukora inshingano zabo bagakurikirana abambura inguzanyo.

Abacungamutungo ba za SACCO bagaragaje ko kuba zifitiwe imyenda myinshi ari ikibazo gishobora kugira ingaruka zirimo no kudindiza iterambere ry’ibyo bigo by’imari.

[xyz-ihs snippet=”google-pub”]

Kanamugire Wellars, uyobora SACCO ya Rwinkwavu mu Karere ka Kayonza, avuga ko Amafaranga aguriza abanyamuryango ava mu bwizigame, iyo batishyuye inguzanyo bigira ingaruka y’uko abandi banyamuryango bashobora kubura amafaranga yo kugurizwa.

Nyakubahwa Guverineri wa Banki Nkuru y’Igihugu, John Rwangombwa, avuga ko abantu bafata imyenda mu bigo by’imari ntibishyure ari ikibazo gikomeye, kuko bashobora gusenya iterambere ry’imari. Nubwo ngo iki kibazo kitarafata intera ndende mu Rwanda, aravuga ko abafite imyenda bagomba kuyishyura kugira ngo ibigo byabagurije bitazagira ikibazo cyo kubura amafaranga biguriza abandi banyamuryango.

Kanda hano ujye ubona amakuru yihuse kandi kugihe kuri Facebook no kuri twitter

@bwiza.com

 

Izindi wakunda

Bwiza.com