bwiza.com
Ahabanza » Syria: U Burusiya bwivuganye abasirikare 30 barimo aba Israel, u Bwongereza, Turkiya n’ahandi
Amakuru mashya Politiki

Syria: U Burusiya bwivuganye abasirikare 30 barimo aba Israel, u Bwongereza, Turkiya n’ahandi

Abasirikare bagera muri 30 ba Israel, u Bwongereza, Turkiya, Arabia Saoudite, Qatar n’abandi, baraye biciwe muri Syria nyuma yo gusukwaho ibisasu n’amato y’intambara y’Abarusiya.

Ibisasu bitatu bya missiles byarasiwe ku bwato bw’intambara bw’u Burusiya byoherezwa aho bivugwa ko hari ubuyobozi bw’abakora iterabwoba mu ntara ya Aleppo ho mu gihugu cya Syria, bihitana abasirikare 30 b’ibihugu twavuze. Aba basirikare ngo bakaba bayoboraga ibikorwa by’abakora iterabwoba muri iki gice barwanya ubutegetsi bwa Syria.

Muri ibi bihugu byose biri ku butaka bwa Syria, urubuga rusreinfo.ru rukaba ruvuga ko igihugu cy’u Burusiya ndetse na Iran ari byo byonyine byahawe uburenganzira na leta ya Syria bwo gukorera ku butaka bwayo.

Ku rundi ruhande, urubuga southfront.org ruvuga ko aya makuru yatangiye gucicikana mu binyamakuru bishyigikiye leta kuwa 20 Nzeri, aho yavugaga ko amato y’intambara y’u Burusiya yoherejwe mu mazi yegereye Syria yarashe missiles ku cyumba cyapangirwagamo ibikorwa bya gisirikare by’abanyamahanga hafi ya Aleppo.

4130805

Ibi birindiro byasenywe rero ngo bikaba byari byarashinzwe n’inzego z’ubutasi z’ibihugu byavuzwe mu rwego rwo gutegura ibikorwa by’imitwe itandukanye irwanya guverinoma ya Syria mu Ntara za Aleppo na Idlib.

Amakuru akomeza agera kuri rusreinfo.ru kandi ariko ataremezwa, aravuga ko u Burusiya bwanahaye gasopo Leta Zunze Ubumwe za Amerika buzibwira ko indege y’amahanga yongera kugaragara mu kirere cya Syria nta burenganzira izamanurwa nta kabuza.

Twababwira ko kandi ibi bibaye nyuma y’igihe gito Leta Zunze Ubumwe za Amerika nazo zivuganye ingabo za Syria zigera kuri 62, aho zisobanuye zivuga ko habayeho kwibeshya, ariko u Burusiya nyuma bukaba bwaratangaje ko zabikoze mu rwego rwo gushotora u Burusiya.

Ngayo nguko, ese aya si amarenga y’uko Intambara ya Gatatu y’Isi yose yaba iri bugufi, cyane ko abakurikiranira hafi ibintu bakomeje no kuvuga ko iyi ntambara izaturuka mu Burasirazuba bwo Hagati? Reka tubitege amaso.

Kanda hano ujye ubona amakuru yihuse kandi kugihe kuri Facebook no kuri twitter

Dennis Ns./Bwiza.com

Izindi wakunda

Bwiza.com
error: Alert: Ntabwo byemewe!!