bwiza.com
Ahabanza » Kuryamisha umwana mu bwe buriri ngo byaba bigabanya imfu zitunguranye z’abana bari munsi y’imyaka 5
Urubuga rw'abana

Kuryamisha umwana mu bwe buriri ngo byaba bigabanya imfu zitunguranye z’abana bari munsi y’imyaka 5

Ababyeyi benshi bakunze kugira impungenge zo kuraza abana b’impinja ukwabo haba mu cyumba cyabo cyangwa mu buriri bwabo, bityo ugasanga babaryamisha impande zabo ku buriri bumwe, aho baba batekereza ko ari bwo bari bubashe kubitaho uko bikwiye. Ibi rero ngo byaba bigira ingaruka ku mibereho y’abana zirimo no kuba bakwandura indwara zimwe na zimwe zishobora gutuma bapfa bakiri munsi y’imyaka 5.
Ikigo cyo muri Amerika gishinzwe gukurikirana abana bakivuka American Academy of Pediatrics gisobanura ko byibuze umwana agomba kurara mu cyumba cy’ababyeyi be mu gihe kinhana n’amezi 6 na 12 ariko aba mu buriri bwa wenyine bwihariye, icyo abenshi bazi nka “berceau”. Ibi bihe ngo bihindagurika bitewe n’imiterere y’umwana kuko nyuma y’iki gihe giteganywa aribwo umwana aba agomba kuba yatangira kurazwa mu cyumba cya wenyine, umubyeyi we akaba ariho amukurikiranira.

crescent-womb-infant-safety-bed
Umwana agomba kuryama mu buriri bwe, ahantu hari isuku mu gihe cy’amezi 6-12 akabona kujyanwa mu cyumba cye.

Kuraza umwana wenyine ngo bishobora kuzagabanya imfu z’abana bari munsi y’imyaka 5 ku buryo butunguranye cyane cyane mu bihugu byateye imbere ku kigero kingana na 50%. Aha aba bashakashatsi bagarutse ku cyegeranyo cyakozwe ku mugabane w’Amerika, aho byibuze abana 3500 bapfa buri mwana bazize imfu zitunguranye ahanini zishingiye ku kuba impinja zirarana n’ababyeyi bazo ku buriri bumwe.
Uretse kandi kuba umwana yahura n’ikibazo cy’ubumuga ndetse rimwe na rimwe urupfu rutunguranye, umwana warajwe wenyine kuva akiri muto ngo usanga akura vuba haba mu mitekerereze ndetse no kwigirira icyizere. Btandukanye no ku mwana usanga amaze imyaka runaka akirarana n’ababyeyi be ku buriri bumwe, kuko ngo bene uwo mwana akurana iimico yihariye ndetse n’imyitwarire ishobora guteza ipfunwe umuryango we.
Kurarana n’ababyeyi ku buriri bumwe rero ngo byaba bitera imfu zitunguranye ku bana, aha nini ziterwa n’impanuka zishobora gutungurana nko kumuryamira ndetse no kuba umwana muto hari uburyo aba agomba kubaho butandukanye n’ubw’abantu bakuru bityo bikaba atari byiza ko abana bararana n’ababyeyi babo ku buriri bumwe.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@bwiza.com

Izindi wakunda

Bwiza.com