bwiza.com
Ahabanza » Mozambique: Abasaga 73 bahitanywe n’inkongi y’umuriro
Amakuru Politiki

Mozambique: Abasaga 73 bahitanywe n’inkongi y’umuriro

Ku mugoroba wo kuri uyu wa 4 tariki ya 17 Ugushyingo 2016, abaturage basaga 73 bo mu gace ka Caphiridzange muri leta ya Mozambique bahitanywe n’inkongi y’umuriro mu gihe abasaga 100 bakomerekeyemo bikabije.
[ad id=”44145″]
Nk’uko bitangazwa na BBC, ngo iyi nkongi yatewe n’imodoka yari itwaye ibitoro yafashwe n’inkongi na nubu abantu bataravuga rumwe ku cyaba cyayiteye. Gusa amakuru anavuga ko uwari uyitwaye ngo ashobora kuba yari yahagaze arimo agurisha peteroli n’abaturage mu buryo butemewe imodoka igafatwa n’inkongi kubera umuriro wari hafi aho, andi akavuga ko ari abari bamuteze ngo bamugirire nabi.
Bamwe mu baturage bari hafi aho ngo bafashwe n’inkongi barapfa, abandi bicwa n’amazi yari hafi aho bagerageza guhunga umuriro batazi koga. Hari n’abaturage kandi bahiriye muri iyo nkongi, ubwo bageragezaga kudaha peteroli nyuma y’uko ikontineri yari iyitawaye yaturikaga.
Kugeza ubu ibikorwa byo gushakisha imibiri y’abaguye muri iyi nkongi biracyakomeje, gusa ngo ishobora no kwiyongera.
Mozambique ni kimwe mu bihugu bikennye cyane ku isi, aho miliyoni zisaga 24 z’abaturage baba munsi y’umurongo w’ubukene. Mu minsi yashize, ngo nibwo Guverinoma ya Mozambique izamuye igiciro cy’ibikomoka kuri Peteroli, mu rwego rwo kongerera idolari agaciro.
Iki gihugu cyabonye ubwigenge mu 1975 kivuye mu maboko ya Portugal yari yaragikoronije, kiza kuzahazwa n’intambara y’Abasivil yarangiye mu 1992 ikaba yaramaze hafi imyaka 16.
[ad id=”44145″]
Iyi ntambara ivugwaho kuba ayarangije byinshi byanabaye intandaro y’ikibazo cy’ubukene iki gihugu kiri guhura nacyo.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@bwiza.com

Izindi wakunda

Bwiza.com