bwiza.com
Ahabanza » Kiliziya gatolika irashyize isaba imbabazi ku ruhare rwayo muri Jenoside yakorewe Abatutsi
Amakuru mashya Iyobokamana

Kiliziya gatolika irashyize isaba imbabazi ku ruhare rwayo muri Jenoside yakorewe Abatutsi

Nyuma y’imyaka 22 yinangira kwemera, Kiliziya gatolika irashyize isaba imbabazi ku ruhare rwayo muri Jenoside yakorewe abatutsi mu myaka wa 1994.
Kiliziya gatolika yakunze gusabwa kwemera uruhare muri Jenoside yakorewe abatutsi no kubisabira imbabazi ikomeza kubyanga, mu mwaka wa 2015 nibwo uwari umuvugizi wa Kiliziya Gatolika, Musenyeri Smaragde Mbonyintege yemeje ko iri dini ryemeye kuzasaba imbabazi ku ruhare rw’abakirisitu baryo n’abihaye Imana muri Jenoside.[ad id=”44145″]
Icyakora icyo gihe Kiliziya yatangaje ko ibi bitavuze ko bemeye ko kiliziya yagize uruhare muri Jenoside ahubwo ngo ni mu rwego rwo kwitandukanya n’ikibi,
Avugana n’itangazamakuru, muri 2015 Musenyeri Smaragde yagize ati “Kiliziya nk’umubyeyi izasaba imbabazi, yumvikanisha ko gusaba imbabazi ari uburyo bwo kwitandukanya n’ikibi, ariko ntabwo ari ukucyishinja”
Kuri uyu wa 17 Ugushyingo 2016 ni bwo hagaragaye itangazo ryashyizweho umukono n’Abepiskopi Gatolika bo mu Rwanda rikubiyemo zimwe mu ngingo zigaragaza gusaba imbabazi ku ruhare rwa bamwe mu bayoboke bayo bijanditse Jenoside yakorewe Abatutsi mu 1994.
cat
Iri tangazo ririmo amagambo agira ati”Turasaba imbabazi tuzisabira n’abakiristu bose kubera ibyaha by’ingeri zose twakoze, Tubabajwe cyane n’uko bamwe mu bana ba Kiliziya batatiye igihango bagiranye n’Imana muri Batisimu biyibagiza amategeko yayo. Turasaba Imana imbabazi kubera ibyaha byose by’inzangano n’ibyo kutumvikana byabaye mu gihugu cyacu bigera n’aho tugirira urwango bagenzi bacu tubaziza inkomoko.”
[ad id=”44145″]
N’ubwo Kiliziya gatolika ikishingikirije ku magambo yayo avuga ko ntawe yatumye gukora Jenoside nk’uko yahoze ibivuga na mbere yo kwemere gusaba imbabazi, iri dini riruta ayandi yose mu Rwanda ryatangaje ko risabye imbabazi ku bwa bamwe mu bakirisitu baryo bakoze Jenoside.
Kanda hano ujye ubona amakuru yihuse kandi kugihe kuri Facebook no kuri twitter
Schadrack@bwiza.com

Izindi wakunda

Bwiza.com
error: Alert: Ntabwo byemewe!!