bwiza.com
Ahabanza » Sudani y’Epfo: Igipfunsi cyongeye kuvuza ubuhuha muri perezidansi
Amakuru Politiki

Sudani y’Epfo: Igipfunsi cyongeye kuvuza ubuhuha muri perezidansi

Imirwano yongeye kwaduka muri perezidansi ya Sudani y’Epfo mu minsi ishize ubwo habaga guterana ibipfunsi hagati ya Ambasaderi Bol Wek Agoth na mwishywa wa perezida Salva Kiir witwa Thiik Thiik Machar.
Aba bayobozi bombi bivugwa ko imirwano yabo yadutse nyuma yo guterana amagambo bapfa umushahara Thiik atabonye, akaba yarashinjaga Bol Wek, ushinzwe ubutegetsi muri perezidansi, gusinzira ku kazi no kuba atuma ibiro bya perezida bigwa mu gihombo.
[xyz-ihs snippet=”google-pub”]
Thiik kandi ashinjwa uyu mugabo kuba yarataye ibiro bye akaba yirirwa iruhande rwa perezida n’igihe bitari ngombwa akirengagiza inshingano ze nk’uko umuntu wari uri muri perezidansi wavuganye na Sudani Tribune dukesha iyi nkuru yayibwiye.
Uyu mugabo ushinzwe ubuyobozi nawe ku rundi ruhande ashinjwa Thiik gusaba guhemberwa ibintu bitashyizwe mu ngengo y’imari.
Nyuma y’ibi bintu aba bayobozi bombi bakaba bashyizwe mu kato na bagenzi babo, ndetse Thiik asabwa guhita ava muri perezidansi.buriwe irengero nubwo undi muyobozi muri perezidansi ahakana ko yibwe.
Si ubwa mbere muri perezidansi ya Sudani y’Epfo habereye imirwano kuko mu kwezi kwa karindwi muri uyu mwaka nabwo hadutse imirwano hagati y’abashinzwe kurinda perezida n’abari bashinzwe kurinda Riek Machar wari visi perezida hakagwa abantu bagera muri 300.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Denis/Bwiza.com

Izindi wakunda

Bwiza.com