bwiza.com
Ahabanza » Afurika y’Epfo: Ishyaka ANC ryatangiye gushakisha uzasimbura Jacob Zuma
Amakuru Politiki

Afurika y’Epfo: Ishyaka ANC ryatangiye gushakisha uzasimbura Jacob Zuma

Mugihe muri leta y’Afurika y’Epfo hasigaye imyaka ibiri ngo hakorwe amatora y’umukuru w’igihugu, ishyaka riri ku butegetsi ANC ryatangaje ko bitoroshye kubona uzasimbura Perezida Zuma nubwo ritakimushaka nk’umukandida wakongera kuyobora indi manda.
Muri uyu mwaka wa 2016, Perezida Jacob Zuma yaranzwe no gushinjwa ibyaha byiganjemo ibya ruswa ndetse no gukoresha umutungo w’igihugu mu nyungu ze bwite. Ibi bikaba ari bimwe mu byatumye abanyepolitike bo muri iki gihugu bamukuraho icyizere kugeza ubu bakaba atari bo barota babona asoza banda ye.
Nubwo iri shyaka rivuga ko bitoroshye kubona uzasimbura Perezida Zuma, umugore we Dlamini-Zuma wigeze no kuyobora Afurika yunze ubumwe niwe uhabwa amahirwe yo kuba yazasimbura umugabo we ku butegetsi.
Nkisazana Dlamini zuma yarekeye aho kuyobora uyu muryango guhera mu kwezi kwa mbere uyu mwaka wa 2016, akaba ahabwa amahirwe cyane n’igice kinini cyizwi nka Kwazulu Natal ariko urundi ruhande rumwe rwa ANC rukaba rwipfuza ko icyegera cya mbere cy’umukuru w’igihugu Cyril Ramaphosa ariwe wazasimbura Perezida Zuma.
[xyz-ihs snippet=”google-pub”]
Ishyaka ANC riyobowe na perezida Zuma ryagiye ku butegetsi guhera mu 1994 inyuma y’ubutegetsi bw’ivanguramoko rya apartheid.
Amatora yo muri iki gihugu ateganyijwe muri 2019, ariko abakurikiranira hafi ibya politike yo muri kiriya gihugu bakaba bavuga ko uzasimbura Zuma wese atazaba yorohewe kubera ibibazo birimo ahanini bishingiye ku bibazo by’ubukungu n’ibindi.
Kanda hano ujye ubona amakuru yihuse kandi kugihe kuri Facebook no kuri twitter
Nsengimana@Bwiza.com

Izindi wakunda

Bwiza.com
error: Alert: Ntabwo byemewe!!