bwiza.com
Ahabanza » Ubutaliyani: Hagiye gutorwa itegeko rizasharirira Abimukira bagacika intege
Amakuru

Ubutaliyani: Hagiye gutorwa itegeko rizasharirira Abimukira bagacika intege

Kuri uyu wa 23 Mutarama 2017, inteko ishinga amategeko y’Ubutaliyani iratora itegeko rishobora kuzasharirira Abimukira bahoraga bagwa mu nyanja bashaka kujya gushaka amaronko muri iki gihugu, ni itegeko rigaragaza ibimeze nko gukandamiza no gukoroniza abizanye.
Ikinyamakuru the times dukesha iyi nkuru cyanditse ko inteko ishinga amategeko y’Ubutaliyani izatorera umushinga w’itegeko rivuga ko umwimukira wese uri mu Butaliyani agomba gushyirirwaho imirimo itishyurwa agakorera leta mu rwego rwo kugirango abone aho arara.
Iri tegeko ngo rizaba rivuga ko umwimukira wese uri mu Butaliyani agomba gukora akazi ka leta gaciriritse nko gukubura imihanda, koza imodoka, gukora isuku mu bwiherero n’ibindi bitandukanye kandi ntagire umushahara na muto agenerwa
Byitezwe ko iri tegeko niryemerwa rizaca intege abahoraga binjira mu Butaliyani mu buryo bwo kuhashakira amaronko, umuntu wese uzagaragara ko yageze mui Butaliyani adahawe ibyemezo n’ibiro bishinzwe abinjira n’abasohoka azashyirwa kuri lisiti yabakorera leta bene iyi mirimo
[xyz-ihs snippet=”google-pub”]

Abimukira bari kurohorwa nyuma yo kugwa mu nyanja
Abimukira bari kurohorwa nyuma yo kugwa mu nyanja

Minisitiri w’umutekano mu Butaliyani, Marco Minniti niwe ugomba gusobanurira Abadepite uyu mushinga w’itegeko aho ngo azaba agaragaza ko umwimukira wese azajya yemererwa kubona aho aba ari uko yamaze gushyirwa ku rutonde rw’abakorera leta imirimo rusange ya buri munsi kandi batabihemberwa.
Guverinoma y’Ubutaliyani ivuga ko kuva uyu mwaka wa 2017 watangira, Abimukira barenga ibihumbi 100 biganjemo abakomoka muri Afurika yo munsi y’ubutayu bwa Sahara ari bo amaze kuyandikira bayisaba kubaha amacumbi.
Kanda hano ujye ubona amakuru yihuse kandi kugihe kuri Facebook no kuri twitter
Schadrack@bwiza.com

Izindi wakunda

Bwiza.com