bwiza.com
Ahabanza » London: Umwana w’Umugande yiciwe ku marembo y’ishuri yigagaho atewe ibyuma
Amakuru Politiki

London: Umwana w’Umugande yiciwe ku marembo y’ishuri yigagaho atewe ibyuma

Igipolisi cyo mu mujyi wa London mu Bwongereza cyatangiye iperereza ku iyicwa ry’umwana w’umuhungu w’umunyeshuri w’imyaka 15 bivugwa ko akomoka mu gihugu cya Uganda wishwe atewe icyuma.

Uyu mwana witwa Quamari Barnes bikaba bivugwa ko yasanganywe ibikomere by’icyuma hanze y’ikigo cy’ishuri yigagaho ryitwa Capital City Academy mu majyaruguru y’uburasirazuba bwa London ku mugoroba wo kuri uyu wa Mbere.

Abatangabuhamya babwiye itangazamakuru ko Barnes yishwe n’umuntu utaramenyekana ubwo yari ahategerwa bus kuri uyu wa Mbere ushize ahagana saa 3h30. Imyirondoro y’uyu mwana wishwe ntiramenyekana neza, gusa amakuru amwe aturuka I London avuga ko uyu mwana yitwaga Serunkuma, akaba yari umwuzukuru w’Umugande Micheal Serunkuma Sangi.

standing-629x640

Iyi nkuru dukesha ikinyamakuru The New Vision iravuga ko undi mwana w’imyaka 15 ukekwaho kwica Quamari Barnes yatawe muri yombi nk’uko ngo byatangajwe na none n’ikinyamakuru cyo mu Bwongereza The Mirror.

Nk’uko The Mirror yabitangaje, ngo abatangabuhamya bavuga ko nyakwigendera mbere yo kwicirwa imbere ya bagenzi be bari bahiye ubwoba yabanje gutabaza agira ati: “Agiye kuntera icyuma

[xyz-ihs snippet=”google-pub”]

Urupfu rw’uyu mwana rwababaje abantu benshi, inshuti n’umuryango bituma benshi bajya kumwunamira aho yiciwe banahasiga ubutumwa butandukanye.

timthumb

ouside-615x377

Umubyeyi wa nyakwigendera nawe biravugwa ko urupfu rw’umuhungu we rwamushenguye bikomeye, aho nyirasenge wa nyakwigendera yabwiye Evening Standard ko nyina w’uyu mwana ataremera ko umuhungu we yagiye

Abandi bana bari aho hafi bahise biruka n’ubwoba bwinshi nyuma y’aho Barnes yiciwe, igipolisi kikavuga ko cyasanze yatewe icyuma inshuro nyinshi akajyanwa kwa muganga ariko bitangazwa ko yapfuye akigezwa ku bitaro.

Kanda hano ujye ubona amakuru yihuse kandi kugihe kuri Facebook no kuri twitter
 
Dennis Ns./Bwiza.com

Izindi wakunda

Bwiza.com