bwiza.com
Ahabanza » RDC: Inyeshyamba ziraye mu baturage zicamo 27 batanu barakomereka abandi barashimutwa
Amakuru Politiki

RDC: Inyeshyamba ziraye mu baturage zicamo 27 batanu barakomereka abandi barashimutwa

Abantu 27 bishwe abandi 5 barakomereka naho abagera kuri batandatu barashimutwa mu ijoro ryo kuwa kane rishyira kuwa gatanu ushize, itariki 17 Gashyantare ahitwa Mutanda muri Teritwari ya Rutshuru ho muri Kivu y’Amajyaruguru, aho bivugwa ko ibi byakozwe n’inyeshyamba za Mai-Mai Mazembe zifatanyije n’umutwe wa NDC uyoborwa n’uwitwa Guidon.

Aya makuru yatangajwe n’umwe mu bayobozi ba kominote w’ahitwa Nyanzale, Antoine Benda Nta Muntu wavuze ko n’iyi mibare ari iy’agateganyo.

Yagize ati: “Kuri iyi saha tuvugana, twamaze kubarura abapfuye 27 n’abakomeretse 5. Twe abavuga rikijyana, abakuru ba Nyanzale, turasaba uruhare rwa leta iki kibazo kikarangira”. Ni mu gihe inzego z’ubuyobozi zo ntacyo ziratangaza kuri ibi.

[xyz-ihs snippet=”google-pub”]

Andi makuru nk’uko Radio Okapi dukesha iyi nkuru ivuga, aravuga ko abarwanyi bitwaje intwaro gakondo bateye ibiturage bibiri bituranye biri nko mu birometero 20 uvuye ahitwa Kikuku. Bivugwa ko aba bakoze ibyo bakora bitonze bakajya bava mu rugo rw’umuturage bajya mu rundi.

Biravugwa ko hashize amezi menshi nta ngabo za leta zirinda aha hantu, bikaba bihangayikishije abaturage, aho inyeshyamba za Mai-Mai zuririra ku kuba aha hantu nta bashinzwe umutekano baharangwa zikajujubya abaturage ndetse zikabica.

Kanda hano ujye ubona amakuru yihuse kandi kugihe kuri Facebook no kuri twitter

Dennis Ns./Bwiza.com

Izindi wakunda

Bwiza.com