bwiza.com
Ahabanza » Gen Prime Niyongabo, umwe mu bashinjwa kudobya iperereza ku rupfu rwa Gen Kararuza
Amakuru Politiki

Gen Prime Niyongabo, umwe mu bashinjwa kudobya iperereza ku rupfu rwa Gen Kararuza

Umwaka umwe urihiritse Gen Athanase Kararuza yicanwe n’umugore n’umwana, perezida Nkurunziza w’u Burundi yari yatanze icyumweru kimwe cy’iperereza none umwaka urihiritse ukuri kutarajya ahabona.
Amakuru agera ku binyamakuru by’i Burundi, ni uko iri perereza ryagiye ridobywa na bamwe mu bayobozi bakomeye mu gisirikare ndetse no mu nzego z’ubutabera.
Ikinyamakuru RPA dukesha iyi nkuru gitangaza ko mu kiganiro cyagiranye n’umushinjacyaha, Prosper Gashusho, wari ushinzwe gukurikirana iki kirego, yagitangarije ko hari amabwiriza yagiye ava hejuru mu nzego, agaca intege iryo perereza.

athanase
Gen Kararuza yicanwe n’umugore ndetse n’umwana

Ati: “Guturuka ku ntangiriro y’amabwiriza kuri iyo dosiye, amabwiriza yagiye aturuka ahatandukanye ambwira kutagira undi muntu mfata, ayo mabwiriza yantegekaga kurekura bamwe mu bakoloneli bari bafashwe barebwa niyo dosiye, iyo niyo kidobya navuga nzi”.
[xyz-ihs snippet=”google-pub”]
Yakomeje avuga uburyo uwari umukuriye mu kazi ari we mushinjacyaha mukuru, Valentin Bagorikunda, yamusabye kurekura bwamwe mu bo yari yamaze gufata, amubwira kubarekura ngo arengere ubuzima bwe.
Avuga kandi ko Umugaba mukuru w’ingabo z’u Burundi, Lt Gen Prime Niyongabo, yageze aho aza kwirekurira abo bari bafunzwe, ikintu avuga ko cyamuteye ikimwaro cyane kuba byarakozwe nta cyo abwiwe kandi nta nicyo yabikoraho.
Ati: “Umugaba mukuru w’ingabo we ubwe hamwe n’abamurinda n’izindi ngabo, baje kwirekurira abo bari bafunzwe, umuyobozi w’inkambi ya Ngagara Colonel Ndayizeye yasohowe muri gereza na Prime Niyongabo,…”.
Prosper Gashusho avuga ko nyuma yaje kubona uko acika aratoroka nyuma y’ibyo byose yabonaga, ahunga igihugu ku bw’umutekano w’ubuzima bwe yumva ko ibyo yabonye bizamugaruka.
Kanda kano usome inkuru bifitanye isano:
Mu gitondo cyo ku wa 25 Mata 2016, nibwo Brig.Gen Athanase Kararuza, yishwe hamwe n’umugore we n’umwana w’umukobwa, Danielle Mpundu wari ufite imyaka 9 ndetse n’umusirikare wamurindaga.
Kanda hano ujye ubona amakuru yihuse kandi kugihe kuri Facebook no kuri twitter
Philipe Nsengiyumva/Bwiza.com
 

Izindi wakunda

Bwiza.com