bwiza.com
Ahabanza » Malawi: Urukiko Rukuru rwitambitse iyoherezwa rya Vincent Murekezi mu Rwanda
Amakuru Politiki

Malawi: Urukiko Rukuru rwitambitse iyoherezwa rya Vincent Murekezi mu Rwanda

Umwunganizi w’Umunyarwanda, Vincent Murekezi witwa Wapona Kita yabashije kwitambika igikorwa cyo koherereza ubutabe bw’u Rwanda uyu mugabo ushinjwa kugira uruhare muri jenoside yakorewe Abatutsi. Uyu mwunganizi akaba yanasabye Urukiko Rukuru rwa Lilongwe kubuza kongera kumva iki kibazo kugeza igihe urukiko rukuru ruzatangira uburenganzira.

Umuyobozi wungirje mu bushinjacyaha bwa leta ya Malawi, Steven Kanyuni, we yatangaje ko umushinjacyaha mukuru yahise atanga ubusabe bwo gukuraho iki cyemezo, ahobategereje umwanzuro w’urukiko kuri ubu busabe kuwa 12 Gicurasi 2017.

Leta ya Malawi yari yongeye gusaba urukiko kohereza Murekezi mu Rwanda nyuma y’aho n’ubundi umucamanza Patrick Chilunga Chirwa yari yamaganye iki cyifuzo kuwa 14 Gashyantare 2017 aho yari yishingikirije ko nta masezerano Malawi yari ifitanye n’u Rwanda yo kohererezanya bashakishwa n’ubutebaera bw’ibihugu byombi.

[xyz-ihs snippet=”google-pub”]

Kuwa 23 Gashyantare ariko, ibihugu byombi byahise bishyira umukono kuri aya masezerano, bituma ubushinjacyaha bwa Malawi bwongera gusaba ko Murekezi yoherezwa Rwanda nk’uko iyi nkuru dukesha Nyasatimes ikomeza ivuga.

Murekezi kuri ubu afungiwe muri gereza ya Maula mu murwa mukuru Lilongwe, ashakishwa n’ubutabera bw’u Rwanda ngo abazwe ibyaha akekwaho bishingiye ku ruhare yaba yaragize muri Jenoside yakorewe abatutsi mu 1994, aho akurikiranweho ibyaha byo kwica no kurimbura nk’ibyaha byibasiye inyoko muntu, ubufatanyacyaha mu gukora Jenoside no gucura umugambi wa Jenoside, ibyaha yakoreye mu yahoze ari segiteri Tumba, kuri ubu ni mu Karere ka Ngoma.

Ashinjwa kandi kuba ari mu bagiye bayobora ibitero byajyaga kwica Abatutsi bikanagenzura za bariyeri, gukoresha inama zishishikariza ubwicanyi n’ibindi bikorwa, Inkiko Gacaca mu Murenge wa Tumba zikaba zaramukatiye gufungwa Burundu adahari.

Kanda hano ujye ubona amakuru yihuse kandi kugihe kuri Facebook no kuri twitter
 
Dennis Ns./Bwiza.com

Izindi wakunda

Bwiza.com