bwiza.com
Amakuru Politiki

Minisitiri Kaboneka yagaye imitegekere yari igiye guciira abanyarwanda muri Gabon

“Twageze aho u Rwanda ruca abana barwo” ni imvugo igarukwaho na Minisitiri w’Ubutegetsi bw’Igihugu, Francis Kaboneka, agaragaza uburyo ubunyarwanda bwigeze guteshwa agaciro, bamwe bakifurizwa kujya koherwa mu mahanga. Kaboneka yabibwiraga abanyamakuru bari mu itorero riherutse kubera mu Karere ka Burera mu mpera z’ukwezi gushize.

Ayo mateka yagarutseho yabayeho muri repubulika ya kabiri, ubwo uwari Perezida Habyarimana Juvenal yagiranaga amasezerano na Gabon yo kujya gutuzayo bamwe mu banyarwanda kuko u Rwanda rwabaye ruto. Kaboneka yagaye iyo mitekerereze itandukanye n’ikwiye kuranga umunyarwanda nyawe ukunda igihugu.

Ati “Uzi kwimurira abantu mu mahanga[export) kandi ari bwo bukire bwa mbere, byarabaye !” Akomeza avuga ko bikwiye buri muyobozi akwiye kurangwa n’Ubunyarwanda, kuko ngo intwaro yitwa ubunyarwanda nta we ushobora kuyitsinda, buri wese agomba kubifata nk’ihame, dore no na kera nta Munyarwanda nyawe wagambaniraga undi.

[xyz-ihs snippet=”google-pub”]

Asobanura ko gukunda igihugu bigomba kugaragarira mu kubaho, mu myumvire, mu myitwarire , imikorere no mu mibereho y’ubuzima bwite bwa buri Munyarwanda. Ibyo bigomba gushingira ku gukunda umuco nyarwanda, wo kagozi ka bugingo kabuza u Rwanda gucika.

Yasabye abari muri iryo torero kurangwa n’ibikorwa bigamije guhesha u Rwanda agaciro, kuko mu buzima nta kindi gihugu cyiza bazabona nk’u Rwanda bakomokamo bafitimo uburenganzira bwose. Ibyo ngo bikwiye kujyana no gufasha abafite ingengabitekerezo ya Jenoside kwitandukanya nayo n’bakibaswe n’ubujiji bw’amoko adafite icyo azabungura, no gukangurira abahunze bafashwe bugwate bakiri hanze, gutaha.

Kanda hano ujye ubona amakuru yihuse kandi kugihe kuri Facebook no kuri twitter

Ntakirutimana Deus

Izindi wakunda

Bwiza.com