bwiza.com
Amakuru Politiki

20/05/1994: Twagiramungu Faustin yasabye u Bufaransa kutivanga mu bibazo by’u Rwanda

Twagiramungu Faustin ni umunyapolitiki wanabaye Minisitiri w’intebe mu Rwanda mu mwaka w’1994, kuri iyi tariki ya 20 Gicurasi 1994, ubwo hakorwaga Jenoside mu Rwanda, yasabye u Bufaransa kutivanga mu bibazo by’u Rwanda.
Nk’uko komisiyo y’igihugu yo kurwanya Jenoside (CNLG) isanzwe igaragaza ibyaranze amatariki atandukanye mu gihe hakorwaga jenoside yakorewe Abatutsi, kuri iyi tariki Twagiramungu Faustin yatangaje ko adashyigikiye ukwivanga uko arikwo kwose kw’u Bufaransa mu bibazo by’u Rwanda.
Twagiramungu yamaganaga u Bufaransa mu gihe n’i Bujumbura habaga imyigaragambyo ikomeye yamagana kuza k’u Bufaransa mu Rwanda.
[xyz-ihs snippet=”google-pub”]
Iyi tariki kandi ibiganiro byabereye mu Kanama Gashinzwe Umutekano k’Umuryango w’Abibumbye ibihugu bimwe bishyigikiye ko u Bufaransa bwohereza ingabo mu Rwanda mu gihe ibindi byibazaga impamvu ingabo z’u Bufaransa zitakwinjizwa mu butumwa bwa UNAMIR yari isanzweho.
Abasirikare bakuru b’abafaransa bagera kuri makumyabiri bageze i Goma, kuri iyi tariki.
Kugeza n’iyi saha u Bufaransa butaremera uruhare bwagize muri jenoside yakorewe Abatutsi, bushinjwa gufasha Interahamwe n’ingabo zari iza Leta ya Habyarimana wari umaze kwicwa ku itariki ya 6 Mata 1994, gukora jenoside yahitanye Abatutsi basaga miliyoni.
Ubwo Inkotanyi zamaraga kubohora igihugu no guhagarika jenoside, Twagiramungu yagizwe Minisitiri w’intebe ku wa 18 Nyakanga 1994, nyuma y’umwaka umwe gusa awukurwaho, hari ku wa 31 Kanama 1995.
Nyuma yaho, Twagiramungu yaje guhita ahungira i Buarayi mu gihugu cy’u Bubiligi, yaje kugaruka mu Rwanda mu 2003, aje kwiyamamariza umwanya w’umukuru w’igihugu atsindwa amatora, asubirayo ari naho ubu aba akaba ari umwe mu banyarwanda baba hanze y’igihugu batavuga rumwe na Leta y’u Rwanda.
Kanda hano ujye ubona amakuru yihuse kandi kugihe kuri Facebook no kuri twitter
@Bwiza.com

Izindi wakunda

Bwiza.com
error: Alert: Ntabwo byemewe!!