bwiza.com
Amakuru mashya Politiki

Meya wa Rubavu, Sinamenye Jeremie yatawe muri yombi (yavuguruwe)

Umuyobozi w’Akarere ka Rubavu, Sinamenye Jeremie ari mu maboko ya Polisi akekwaho kugira imyitwarire idakwiriye umuyobozi irimo no kubangamira abiyamamaza.
Umuvugizi wa Polisi y’u Rwanda , ACP Theos Badege, ibinyujije ku rukuta rwayo rwa Twitter, yatangaje ko Umuyobozi w’Akarere ka Rubavu, Sinamenye Jeremie n’Umunyamabanga Nshingwabikorwa w’Umurenge wa Busanze bafunzwe by’ agateganyo bakurikiranweho kubangamira uburenganzira bw’ abiyamamaza ku mwanya wa Perezida wa Repubulika.
Umuvugizi wa Polisi, ACP Theos Badege yibukije ko abakandida bose bafite uburenganzira bungana imbere y’amategeko kandi ko bose bakwiye kubahwa.
Amakuru agera kuri Bwiza.com aravuga ko uyu muyobozi yaba yarafatiwe muri hoteli igira n’amacumbi ku wa Kane tariki ya 20 Nyakanga 2017, ari kumwe n’umugore ukora mu karere ushinzwe abakozi witwa Dukundimana Esperence wigeze kuba Umunyamabanga Nshingwabikorwa w’Umurenge wa Nyamyumba.
Ayandi makuru aravuga ko n’Umunyamabanga Nshingwabikorwa w’Umurenge wa Nyamyumba, Ugirirabino Elzaphan na we yatawe muri yombi.
Abantu batandukanye baravuga ko uyu muyobozi atigeze agaragara ahari ibikorwa bitandukanye byo kwamamaza umukandida w’Umuryango FPR Inkotanyi muri ako karere, by’umwihariko ibyabereye uyu munsi mu murenge wa Rubavu.
[xyz-ihs snippet=”google-pub”]
Hari n’abavuga ko ashobora kuba akurikiranyweho kutakira umwe mu bakandida bahatanira umwanya wa Perezida wa Repubulika mu Rwanda, ariko abari hafi y’uwo mukandida babihakanye, bavuga ko batagiye kumushaka, bagiye ku karere bajyanyeyo ibaruwa kandi yakiriwe neza.
Ku rundi ruhande hari abavuga ko mu mikorere ye yaba afata ibyemezo atagishije inama bagenzi be bakorana hafi.
Abageze ku biro by’akarere bavuga ko batigeze bamuca iryera, ahubwo hari urunturuntu hagati y’abakozi baganira ku bya Meya n’uwo muyobozi.
Min. Kaboneka arasaba abayobozi b’inzego z’ibanze kutabangamira abakandida


Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philippe/Bwiza.com

Izindi wakunda

Bwiza.com
error: Alert: Ntabwo byemewe!!