bwiza.com
Amakuru Ubuzima

Uganda: Abaturage basaga miliyoni 3.5 banduye hépatite B

Leta ya Uganda yatangaje ingamba nshya zo guhangana n’indwara ya hépatite B ikomeje guhitana abantu muri icyo gihugu dore ko ubu abasaga miliyoni 3.5 bayanduye.
Umugishwanama mu ndwara zandura, Dr. Susan Nabadda, ukora mu bitaro bya Mulago muri icyo gihugu yatangaje ko guverinoma y’icyo gihugu yatangije ingamba nshya zo guhangana n’iyo ndwara.
Zirimo kongera aho abaturage bajya kwipimisha iyo ndwara kugera no ku bigo nderabuzima byo ku rwego rwa gatatu, kugenzura ireme ryo gusuzuma iyi ndwara, gutanga amahugurwa ndetse no gushaka ubundi buryo butandukanye bwo guhangana nayo.
[xyz-ihs snippet=”google-pub”]
Abazajya basanganwa iyo ndwara bazajya bahabwa imiti biciye mu guhuzwa n’ibigo nderabuzima. Mu bindi bazakora hari gufata imibare ku bijyanye n’iyo ndwara ndetse no gukingira abantu benshi.
Leta ya Uganda itangaza ko yishyura amafaranga menshi mu bijyanye no guhangana n’iyo ndwara , mu ikingira n’ibindi bigamije guhangana n’iyo ndwara.
Ibindi bigiye gukorwa ni ukongerera ubushobozi laboratwari zo muri icyo gihugu zihangana n’iyi ndwara biciye mu gupima abazigana, abazikoramo bakazongererwa ubunyamwuga.
Iyi ndwara yanduye abasaga miliyoni 3,5 ni ukuvuga abagera ku 10% by’abaturage bose.
Umuyobozi nshingwabikorwa w’abarwaye iyi ndwara muri Uganda (NOPLHB) Kenneth Kabagambe, yatangaje ko abagera kuri 80% muri icyo gihugu barwaye kanseri y’umwijima bayitewe n’iyi Hepatite B.
Kabagambe atangaza ko abanduye iyo ndwara muri iki gihugu bagera ku 10% mu gihe abanduye virusi itera Sida ari 7.3% . Ikibazo gikomeye uyu munsi ngo ni uko abamaze gusanganwa iyo ndwara batazi icyo bakora.Abayisanganwa kandi ngo usanga baribwa amafaranga menshi n’abavuzi ba gakondo bababwira ko bayivura.
Kabagambe asaba abafatanya n’icyo gihugu mu rwego rw’ubuzima gushyiraho ingamba zikomeye mu guhangana n’iyo ndwara bagahuza n’icyerekezo cy’ishami rya Loni rishinzwe ubuzima(OMS) cyo kurandura Sida ku Isi kugera muri 2021.
Mu Rwanda , Ikigo cy’Igihugu gishinzwe Ubuzima (Rwanda Biomedical Center-RBC) muri 2022 cyashyize ahagaragara ubushakashatsi bw’imyaka ibiri ishize kuri zimwe mu ndwara z’ibyorezo mu Rwanda, icyo gihe hatangajwe ko virusi itera SIDA n’indwara y’umwijima wo mu bwoko bwa B na C biziri ku isonga mu zihangayikishije. Ubwo bushakashatsi bwerekanye ko indwara y’umwijima ya hepatite B abayirwaye bari ku kigereranyo cya 3,5%, abarwaye umwijima wa C bo ni 2,6% na 3,3%.
Uyu mubare munini w’abanduye iyi ndwara itagira umuti n’urukingo ushobora kugira ingaruka no ku batuye ibihugu bihana imbibi na Uganda, dore ko hari abakobwa bo muri ibyo bihugu bajyayo gukorayo umwuga w’uburaya cyane mu mpera z’icyumweru.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/Bwiza.com

Izindi wakunda

Bwiza.com
error: Alert: Ntabwo byemewe!!