bwiza.com
Ahabanza » Igisirikare cya Uganda kirahakana kohereza ingabo muri Kenya
Amakuru Politiki

Igisirikare cya Uganda kirahakana kohereza ingabo muri Kenya

Igisirikare cya Uganda cyahakanye kivuye inyuma amakuru cyise ikinyoma cyambaye ubusa kigamije kuyobya abantu avuga ko cyohereje ingabo mu gihugu cya Kenya mu gihe hakomeje kwikangwa ko ibyavuye mu matora bishobora kongera gushoza imvururu muri iki gihugu nk’izakibayemo mu 2007.
Abantu batari bacye bamaze kwicwa mu minsi mikeya yakurikiye itangazwa ry’ibyavuye mu matora by’agateganyo nyuma y’aho abatavuga rumwe n’ubutegetsi bamwe bigabije imihnda bigaragambya bamagana intsinzi ya Kenyatta.
Mu gihe perezida watowe arimo kugerageza kuzana ubucuti n’ubufatanye n’abatavuga rumwe n’ubutegetsi, raila Odinga bari bahanganye mu matora we akomeje gushishikariza abamushyigikiye kutagira icyo bakora kuri uyu wa Mbere, mu gihe ngo azababwira icyo gukora kuri uyu wa kabiri.
Ibibazo bishobora kuvuka muri Kenya rero biteye impungenge z’uko bishobora kugusha akarere kose mu bibazo cyane cyane mu by’ubukungu kubera Icyambu cya Mombasa gifitiye runini akarere.
Mu gihe rero hikangwa ibi byose, ibinyamakuru byo muri Uganda byari byatangiye gutangaza ko igisirikare cya Uganda cyaba kiteguye kwinjira muri Kenya.
[xyz-ihs snippet=”google-pub”]
Ariko umuvugizi wacyo, Brig. Richard Karemire yahakanye aya makuru y’uko igisirikare cya Uganda cyaba kiteguye kujya gufasha inzego z’umutekano za Kenya, anahakana amakuru yavuze ko nyuma y’amatora yo mu 2007 na none ngo UPDF yinjiye muri Kenya ndetse ikazana perezida wa Kenya muri Uganda ku mpamvu z’umutekano we.
Yagize ati: “UPDF irifuza kwamagana byimazeyo ibyo birego byuzuye ibinyoma, gutera ubwoba no kuyobya.”
Yakomeje avuga ko nta myiteguro nk’iyo ihari ndetse nta tsinda ry’abasirikare bakuru ba Uganda ryoherejwe muri Kenya ngo rijye gutegura ibyo bintu nk’uko Chimpreports dukesha iyi nkuru ikomeza ivuga.
Brig. Karemire yashimangiye ko Kenya ari igihugu gifite ubusugire bwacyo, kubw’ibyo umutekano wacyo n’uw’abaturage bacyo bikaba biri mu nshingano zacyo bidasubirwaho.
Ibinyamakuru byo muri Kenya mu 2007 byanditse ko igisirikare cya Uganda (UPDF) cyohereje abasirikare bo gucubya ubugizi bwa nabi bwakurikiye ibyavuye mu matora, ariko Uganda irabihakana ivuga ko nta bimenyetso ababivuga babona.
 
 
Kanda hano ujye ubona amakuru yihuse kandi kugihe kuri Facebook no kuri twitter
 
Dennis Ns./Bwiza.com

Izindi wakunda

Bwiza.com